സംസ്ഥാന സ്കൂള്‍ കലോത്സവം ജനുവരി 4 മുതൽ 8 വരെ തിരുവനന്തപുരത്ത്

December 9, 2024

തിരുവനന്തപുരം. സംസ്ഥാന സ്കൂള്‍ കലോത്സവം ജനുവരി 4 മുതൽ 8 വരെ തിരുവനന്തപുരത്ത് നടക്കുമെന്ന് വിദ്യാഭ്യാസമന്ത്രി വി ശിവന്‍കുട്ടി പറഞ്ഞു. ഗോത്രകലകൾ കൂടി ഉൾപ്പെടുത്തിയിട്ടുണ്ട്. ആകെ 241 മത്സര ഇനങ്ങൾ. 21 വേദികൾ തെരഞ്ഞെടുത്തിട്ടുണ്ട്. സുരക്ഷ സാഹചര്യങ്ങൾ വിലയിരുത്തി. പ്രധാന വേദി – സെൻട്രൽ സ്റ്റേഡിയം ആയിരിക്കും.

സ്വാഗത ഗാനം നൃത്താവിഷ്കാരം ആരേയും ഏൽപിച്ചിട്ടില്ല. ഉദ്ഘാടന, സമാപന ചടങ്ങിൽ സെലിബ്രിറ്റികളെ കൊണ്ടുവരാറുണ്ട്
ഇന്നലെ വെഞ്ഞാറമൂട് ഒരു നാടക ഉത്സവത്തിൻ്റെ സമാപന ചടങ്ങിൽ പങ്കെടുക്കാൻ പോയിരുന്നു
സുരാജ് വെഞ്ഞാറമൂട് പരിപാടിയാൽ ഉണ്ടായിരുന്നു. അദ്ദേഹം എവിടെ ആണെങ്കിലും ഈ പരിപാടിയ്ക്ക് എത്താറുണ്ടെന്ന് സ്വാഗത പ്രാസംഗികൻ പറഞ്ഞു. ഇത് മാതൃകയാക്കണമെന്ന് ഞാൻ പറഞ്ഞു. കലോൽസവം തീരുന്നത് വരെ ഒരു വിവാദത്തിനും ഇല്ല
കലോൽസവം ഉദ്ഘാടന ചടങ്ങിലേക്ക് കലോൽസവം വഴി വന്ന ഒരു താരത്തോടാണ് ചോദിച്ചത്. എൻ്റെ പ്രസ് സെക്രട്ടറിയാണ് ചോദിച്ചത്. 5 ലക്ഷം വേണമെന്നാണ് ആവശ്യപ്പെട്ടത്. ഇതാണ് സംഭവിച്ചത്. ഇനി ഇതിൽ ഒരു ചർച്ച വേണ്ട എന്നും മന്ത്രി പറഞ്ഞു.
[

ചിറ്റുമൂല റെയിൽവേ മേൽപ്പാലം അന്തിമ അനുമതി ലഭിച്ചു ടെൻഡർ ഈയാഴ്ച
സി ആർ മഹേഷ്‌ എം എൽ എ

December 9, 2024

കരുനാഗപ്പള്ളി. പുതിയകാവ് ചക്കുവള്ളി റോഡിൽ ചിറ്റുമൂല റെയിൽവേ മേൽപ്പാലം നിർമ്മാണത്തിന് കിഫ്ബി യുടെ അന്തിമ അനുമതി ലഭിച്ചതായി സി ആർ മഹേഷ് എംഎൽഎ അറിയിച്ചു. ചിറ്റുമൂല റെയിൽവേ മേൽപ്പാലത്തിന്റെ അന്തിമ അറേഞ്ച് മെന്റ് ഡ്രോയിങ് 2022ൽ സമർപ്പിച്ചതിന്റെ അടിസ്ഥാനത്തിൽ 39.53 കോടി രൂപയുട പുതുക്കിയ പ്രൊപോസലിനാണ് കിഫ്ബി ഡയറക്ടർ ബോർഡിന്റെ അന്തിമഅനുമതി ലഭിച്ചത്. നിർമ്മാണ ചുമതല റെയിൽവേ ബ്രിഡ്ജ് ആൻഡ് ഡെവലപ്മെന്റ് കോർപ്പറേഷനാണ്. ആദ്യം തയ്യാറാക്കിയ എസ്റ്റിമേറ്റിൽ നിന്നും ഏകദേശം 11.5 കോടി രൂപയുടെ വർദ്ധനവ് വരുത്തി ആണ് പുതുക്കിയ 39.53 കോടി രൂപയ്ക്കുള്ള അനുമതി ലഭ്യമായത്. എസ്റ്റിമേറ്റ് അനുവാദം ലഭിക്കുന്നതിന് കാലതാമസം ഉണ്ടായപ്പോൾ എംഎൽഎയുടെ നേതൃത്വത്തിൽ ഉന്നതതല യോഗം ചേർന്നിരുന്നു. ഡിസംബർ ആറാം തീയതി ചേർന്ന് കിട്ടി എക്സിക്യൂട്ടീവ് കമ്മിറ്റിയാണ് 39,53,09488രൂപയുടെ അന്തിമ അനുമതി നൽകിയത്. റെയിൽവേ ബ്രിഡ്ജ് ആൻഡ് ഡെവലപ്മെന്റ് കോർപ്പറേഷൻ ഈയാഴ്ച തന്നെ ടെൻഡർ നടപടികൾ സ്വീകരിക്കുമെന്ന് സി ആർ മഹേഷ് എംഎൽഎ അറിയിച്ചു

തേയിലയെന്ന് കരുതി ചായയില്‍ കലര്‍ത്തിയത് കീടനാശിനി… ഒരു കുടുംബത്തിലെ മൂന്ന് പേര്‍ക്ക് ദാരുണാന്ത്യം

December 9, 2024

ജയ്പൂര്‍: തേയിലയെന്ന് കരുതി അബദ്ധത്തില്‍ കീടനാശിനി ചായയില്‍ കലര്‍ത്തി കുടിച്ചതിനെ തുടര്‍ന്ന് ഒരു കുടംബത്തിലെ മൂന്ന് പേര്‍ മരിച്ചു. രാജസ്ഥാനിലെ ബന്‍സ്വാര ജില്ലയിലാണ് സംഭവം.
ചായ കുടിച്ചതിന് പിന്നാലെ മൂവരും ഛര്‍ദിക്കാന്‍ തുടങ്ങി. ഉടന്‍ തന്നെ സമീപത്തെ ജില്ലാ ആശുപത്രിയിലെത്തിച്ചെങ്കിലും വിദഗ്ധ ചികിത്സയ്ക്കായി ഉദയ്പൂരിലെ ആശുപത്രിയിലേക്ക് മാറ്റി.
ദാരിയ (53), മരുമകള്‍ ചന്ദ, പതിനാലുവയസുകാരന്‍ അക്ഷയ് എന്നിവരാണ് മരിച്ചത്. ചായ കുടിച്ച മറ്റ് മൂന്ന് പേര്‍ ഗുരുതരാവസ്ഥയില്‍ തീവ്രപരിചരണവിഭാഗത്തില്‍ ചികിത്സയിലാണ്.

ശൂരനാട് കമ്മ്യൂണിറ്റി ഹെൽത്ത്‌ സെന്ററിലെ ഐസോലേഷൻ വാർഡിന് റീത്ത് സമർപ്പിച്ചു

December 9, 2024

ശൂരനാട്. കമ്മ്യൂണിറ്റി ഹെൽത്ത്‌ സെന്ററിൽ ഒരു വർഷം മുൻപ് ഉദ്ഘാടനം കഴിഞ്ഞ ഐസോലേഷൻ വാർഡ് പ്രവർത്തന സജ്ജമാക്കുക, ഹെൽത്ത് ഗ്രാന്റ് ഉപയോഗിച്ച് നിർമ്മാണം പൂർത്തീകരിച്ച ലാബ് തുറന്നു പ്രവർത്തിക്കുക, സി എച്ച് സി യെ മാലിന്യ സംസ്കരണ കേന്ദ്രമാക്കുവാനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ട് കോൺഗ്രസ് ശൂരനാട്- ശൂരനാട് വടക്ക് മണ്ഡലം കമ്മിറ്റികളുടെ നേതൃത്വത്തിൽ ഐസോലേഷൻ വാർഡിന് റീത്ത് സമർപ്പിച്ചു പ്രതിഷേധിച്ചു. സമര പരിപാടി
ബ്ലോക്ക് പഞ്ചായത്ത് അംഗം തുണ്ടിൽ നൗഷാദ് ഉത്ഘാടനം ചെയ്തു. ശൂരനാട് മണ്ഡലം പ്രസിഡന്റ്‌ ആർ. നളിനാക്ഷന്റെ അധ്യക്ഷതയിൽ കൂടിയ യോഗത്തിൽ മുൻ ബ്ലോക്ക്‌ പഞ്ചായത്ത്‌ പ്രസിഡന്റ്‌ ശ്രീ. വി വേണുഗോപാല കുറുപ്പ് മുഖ്യ പ്രഭാഷണം നടത്തി. കോൺഗ്രസ് -യൂത്ത് കോൺഗ്രസ്സ് -മഹിളാ കോൺഗ്രസ്സ് നേതാക്കൾ പങ്കെടുത്ത യോഗത്തിൽ കോൺഗ്രസ്സ് ശൂരനാട് വടക്ക് മണ്ഡലം പ്രസിഡന്റ്‌ പ്രസന്നൻ വില്ലാടൻ സ്വാഗതവും സന്തോഷ്‌ കുമാർ നന്ദിയും രേഖപ്പെടുത്തി യോഗത്തിൽ

യുജിസി നെറ്റ്: അപേക്ഷ സമര്‍പ്പിക്കാനുള്ള അവസാന തീയതി നാളെ

December 9, 2024

യുജിസി നെറ്റ് പരീക്ഷയ്ക്ക് അപേക്ഷ സമര്‍പ്പിക്കാനുള്ള അവസാന തീയതി നാളെ അവസാനിക്കും. ഓണ്‍ലൈനില്‍ അപേക്ഷ നല്‍കാനുള്ള വിന്‍ഡോ നാഷണല്‍ ടെസ്റ്റിങ് ഏജന്‍സി(എന്‍ടിഎ) നാളെ അടക്കും. യുജിസി നെറ്റ് ഡിസംബര്‍ 2024-നുള്ള അപേക്ഷാ ഫോമുകള്‍ ugcnet.nta.ac.in എന്ന വെബ്‌സൈറ്റില്‍ സമര്‍പ്പിക്കാം.

അപേക്ഷാ ഫോറം സമര്‍പ്പിക്കാനുള്ള സമയം 2024 ഡിസംബര്‍ 10, രാത്രി 11.50 വരെയാണ്. ഓണ്‍ലൈന്‍ അപേക്ഷാ ഫോമിന്റെ വിശദാംശങ്ങളില്‍ തിരുത്തലുകള്‍ 2024 ഡിസംബര്‍ 12-13 മുതല്‍ നടത്താം. പരീക്ഷ 2025 ജനുവരി 1-19 വരെ നടത്താനാണ് ഷെഡ്യൂള്‍ ചെയ്തിരിക്കുന്നത്.
യുജിസി നെറ്റ് പരീക്ഷ എന്‍ടിഎ കമ്പ്യൂട്ടര്‍ അധിഷ്ഠിത ടെസ്റ്റ് (സിബിടി) മോഡിലാണ് നടത്തുന്നത്. പരീക്ഷയില്‍ രണ്ട് പേപ്പറുകള്‍ ഉണ്ട്. ഒബ്ജക്റ്റീവ്-ടൈപ്പ്, മള്‍ട്ടിപ്പിള്‍ ചോയ്‌സ് ചോദ്യങ്ങളാണ് ഉണ്ടാവുക. ഇന്ത്യന്‍ സര്‍വ്വകലാശാലകളിലെയും കോളജുകളിലെയും അസിസ്റ്റന്റ് പ്രൊഫസര്‍, ജൂനിയര്‍ റിസര്‍ച്ച് ഫെലോഷിപ്പ്, അസിസ്റ്റന്റ് പ്രൊഫസര്‍ എന്നീ തസ്തികകളിലേക്കുള്ള ഉദ്യോഗാര്‍ത്ഥികളുടെ യോഗ്യതതാണ് പരീക്ഷയിലൂടെ നിര്‍ണയിക്കുന്നത്.

തുടര്‍ തോല്‍വികള്‍….മടുത്തു….. കേരള ബ്ലാസ്റ്റേഴ്‌സ് മാനേജ്‌മെന്റുമായി അകന്ന് ‘മഞ്ഞപ്പട’

December 9, 2024

കൊച്ചി: കേരള ബ്ലാസ്റ്റേഴ്‌സ് മാനേജ്‌മെന്റിനെതിരെ കടുത്ത പ്രതിഷേധവുമായി ആരാധകക്കൂട്ടായ്മയായ ‘മഞ്ഞപ്പട’. നടന്നുകൊണ്ടിരിക്കുന്ന സീസണിലെ മോശം പ്രകടനത്തിന് പിന്നാലെയാണ് ‘മഞ്ഞപ്പട’യുടെ തീരുമാനം. ടിക്കറ്റ് വില്പനയില്‍ നിന്നും വിട്ടുനിന്നു പ്രതിഷേധം അറിയിക്കുമെന്നും സ്റ്റേഡിയത്തിന് അകത്തും പുറത്തും പ്രതിഷേധ പരിപാടികള്‍ സംഘടിപ്പിക്കുമെന്നും ‘മഞ്ഞപ്പട’ സ്റ്റേറ്റ് കോര്‍ കമ്മറ്റി അറിയിച്ചു. 11 മത്സരങ്ങളില്‍ നിന്നും മൂന്ന് ജയം മാത്രമുള്ള ബ്ലാസ്റ്റേഴ്‌സ് നിലവില്‍ പോയിന്റ് പട്ടികയില്‍ പത്താം സ്ഥാനത്താണ്.

ന്യൂസ് അറ്റ് നെറ്റ് BAEAKING NEWS പ്രതിശ്രുത വരൻ കസ്റ്റഡിയിൽ

December 9, 2024

2024 ഡിസംബർ09 തിങ്കൾ 1.30 PM

?നെടുമങ്ങാട് ഇന്നലെ ഐറ്റി ഐ വിദ്യാർത്ഥിനി നമിത ആത്മഹത്യ ചെയ്ത സംഭവത്തിൽ പ്രതിശ്രുത വരൻ സന്ദീപിനെ പോലീസ് കസ്റ്റഡിയിലെടുത്തു.

?മുനമ്പം വിഷയത്തിൽ യുഡിഎഫിൽ അഭിപ്രായ ഭിന്നതയില്ലെന്ന് പ്രതിപക്ഷ നേതാവ് വി ഡി സതീശൻ

?സി പി എം വിട്ട് ബി ജെ പിയിലെത്തിയ മധു പിരിച്ചെടുത്ത പാർട്ടി സമ്മേളന ഫണ്ട് നൽകിയില്ലെന്നാരോപിച്ച് ആറ്റിങ്ങൽ ഡിവൈഎസ്പിക്ക് പരാതി നൽകി.

?സിറിയയുടെ ഐക്യവും പരമാധികാരവും സംരക്ഷിക്കപ്പെടണമെന്ന് ഇന്ത്യ

?സഭായുടെ അസ്ഥിത്വം സംരക്ഷിക്കപ്പെടുമെന്ന മുഖ്യമന്ത്രിയുടെ വാക്കുകൾ വിശ്വസിക്കുന്നതായി പാത്രിയാർക്കിസ് ബാവ

?ദേശീയ വനിതാ കമ്മീഷൻ മുൻ അധ്യക്ഷ രേഖാ ശർമ്മയെ ഹരിയാനയിൽ നിന്നുള്ള രാജ്യസഭാ സ്ഥാനാർത്ഥിയാക്കി ബി ജെ പി.

?പട്ടാമ്പി കൊപ്പത്ത് കേരളോത്സവത്തിൻ്റെ ഫുട്ബാൾ മത്സരത്തിനിടെ സംഘർഷം.

കുട്ടികൾക്ക് ഈ നാല് പോഷകങ്ങൾ അടങ്ങിയ ഭക്ഷണങ്ങൾ നിർബന്ധമായും നൽകണം; കാരണം ഇത്

December 9, 2024

തണുപ്പ് കാലത്ത് വിവിധ രോഗങ്ങളാണ് കുട്ടികളിൽ പിടിപെടുന്നത്. കാലാവസ്ഥയിലെ മാറ്റം കുട്ടികളെ പലതരം രോഗങ്ങൾക്കും വൈറൽ അണുബാധകൾക്കും കൂടുതൽ ഇരയാക്കും. കുട്ടികളിൽ രോഗപ്രതിരോധശേഷി കുറയുന്നത് ഇടയ്ക്കിടെ അസുഖം വരാനുള്ള സാധ്യത വർദ്ധിപ്പിക്കുന്നു.

വൈറസുകളും രോഗങ്ങളും സാധാരണയേക്കാൾ വേഗത്തിൽ പടരുന്നു. കുട്ടികൾ പലപ്പോഴും ചുമ, പനി, ജലദോഷം എന്നിവ ഇടയ്ക്കിടെ ഉണ്ടാകുന്നത് തടയാൻ പ്രതിരോധശേഷി കൂട്ടേണ്ടത് പ്രധാനമാണെന്ന് പൂനെയിലെ ലുല്ല നഗറിലെ മദർഹുഡ് ഹോസ്പിറ്റലിലെ കൺസൾട്ടൻ്റ്-ഡയറ്റീഷ്യൻ ഡിടി ഇൻഷാര മഹേദ്വി പറഞ്ഞു.

പോഷകങ്ങളാൽ സമ്പന്നമായ ഭക്ഷണക്രമം പിന്തുടരുന്നത് രോഗപ്രതിരോധ സംവിധാനത്തെ ശക്തിപ്പെടുത്താൻ സഹായിക്കും. പ്രതിരോധശേഷി വർദ്ധിപ്പിക്കുന്ന പോഷകങ്ങൾ അടങ്ങിയ ഭക്ഷണങ്ങൾ ദൈനംദിന ഭക്ഷണത്തിൽ ഉൾപ്പെടുത്താൻ മാതാപിതാക്കൾ ശ്രമിക്കണം. ഇത് കുട്ടികളെ ആരോഗ്യത്തോടെ നിലനിർത്തിക്കൊണ്ട് കൊണ്ട് പോകാൻ സഹായിക്കും.

കുട്ടികളിൽ പ്രതിരോധശേഷി വർദ്ധിപ്പിക്കുന്നതിന് സഹായിക്കുന്ന പോഷകങ്ങൾ

ഒമേഗ -3 ഫാറ്റി ആസിഡുകൾ

ഒമേഗ -3 ഫാറ്റി ആസിഡ് രോഗങ്ങളുടെയും അണുബാധകളുടെയും തീവ്രത കുറയ്ക്കാൻ സഹായിക്കുന്നു. ഒമേഗ -3 ഫാറ്റി ആസിഡുകൾ തലച്ചോറിൻ്റെ ആരോഗ്യം മെച്ചപ്പെടുത്തുന്നതിലും കുഞ്ഞുങ്ങളുടെ വൈജ്ഞാനിക പ്രവർത്തനങ്ങളെ പിന്തുണയ്ക്കുന്നതിലും നിർണായക പങ്ക് വഹിക്കുന്നു. ചിയ വിത്തുകൾ, ഫ്ളാക്സ് സീഡുകൾ, വാൾനട്ട്, ചീര, തുളസി തുടങ്ങിയവയിൽ ഒമേഗ -3 ഫാറ്റി ആസിഡ് കൂടുതലാണ്.

വിറ്റാമിൻ സി

കുട്ടികളുടെ മൊത്തത്തിലുള്ള വളർച്ചയ്ക്കും വികാസത്തിനും വിറ്റാമിൻ സി നിർണായകമാണ്. ടിഷ്യൂകൾ നന്നാക്കാനും കോശങ്ങളെ ശാശ്വതമായി കേടുവരാതെ സംരക്ഷിക്കാനും വിറ്റാമിൻ സി സഹായിക്കും. കൊളാജൻ്റെ ഉത്പാദനം വർദ്ധിപ്പിക്കുന്നതിനാൽ ഇത് ചർമ്മത്തിൻ്റെ ആരോഗ്യം മെച്ചപ്പെടുത്താനും സഹായിക്കും. വിറ്റാമിൻ സി അടങ്ങിയ ഭക്ഷണങ്ങൾ കഴിക്കുന്നത് വെളുത്ത രക്താണുക്കളുടെ (WBC) ഉത്പാദനം വർദ്ധിപ്പിക്കും. ഓറഞ്ച്, നാരങ്ങ, സ്ട്രോബെറി, കിവി, ബ്രൊക്കോളി, കുരുമുളക് തുടങ്ങിയ ഭക്ഷണങ്ങളിൽ വിറ്റാമിൻ സി അടങ്ങിയിരിക്കുന്നു.

സിങ്ക്

പയർവർഗ്ഗങ്ങൾ, പയർ, ധാന്യങ്ങൾ തുടങ്ങിയ ഭക്ഷണങ്ങളിൽ സിങ്ക് അടങ്ങിയിരിക്കുന്നു. കുട്ടികളിലെ രോഗപ്രതിരോധ കോശങ്ങളുടെ വികാസത്തിനും പ്രവർത്തനത്തിനും ഈ പോഷകം അത്യന്താപേക്ഷിതമാണ്.

ആൻ്റിഓക്‌സിഡൻ്റുകൾ

ആൻ്റിഓക്‌സിഡൻ്റ് അടങ്ങിയ ഭക്ഷണങ്ങൾ കഴിക്കുന്നത് അമിതമായ ഓക്‌സിഡേറ്റീവ് സ്‌ട്രെസിൽ നിന്ന് ശരീരത്തെ സംരക്ഷിക്കാൻ സഹായിക്കും. ചീര, മധുരക്കിഴങ്ങ്, കാരറ്റ്, ഉരുളക്കിഴങ്ങ്, കിവി, ബ്ലൂബെറി, റാസ്ബെറി തുടങ്ങിയ ഭക്ഷണങ്ങളിൽ ആൻ്റിഓക്‌സിഡൻ്റുകൾ അടങ്ങിയിട്ടുണ്ട്.

കൈലാക് കൈയിലാകാന്‍ 7.89 ലക്ഷം പോര,പിന്നെയോ

December 9, 2024

പേരിടീല്‍ മുതല്‍ പുതുമയുമായി ഇന്ത്യയിലെ സബ്-4 മീറ്റർ കോംപാക്‌ട് എസ്‌യുവി സെഗ്മെന്റിൽ ഞെട്ടിക്കുന്ന തരംഗം കുറിച്ചാണ് സ്കോഡ കൈലാക് (Skoda Kylaq)ന്‍റെ വരവ്. മലയാളി മുഹമ്മദ് സിയാദ് പേരിട്ടതോടെ അതും ഹരമായി. കുടുംബമഹിമ നിരത്തി കാറുകാണാതെ തന്നെ വന്‍ ബുക്കിംങ് നേടിയെടുക്കാന്‍ സ്കോഡയുടെ മാര്‍ക്കറ്റിംങ് തന്ത്രത്തിനായി. സ്കോഡയ്ക്ക് ഇന്ത്യയിട്ടിരിക്കുന്ന വില അത്ര ചെറുതല്ലെന്ന് ഇതിലൂടെ മനസിലാവും. മാരുതി സുസുക്കി ബ്രെസയും ടാറ്റ നെക്സോണും ഭരിച്ചിരുന്ന വിഭാഗത്തിലേക്ക് എത്തുമ്പോൾ വെന്നിക്കൊടി പാറിക്കാൻ ചെറിയ കളികളൊന്നും പോരെന്ന് സ്കോഡയ്ക്ക് നന്നായിട്ടറിയാം. അതിനാൽ തന്നെ വിലക്കുറവ് എന്ന തന്ത്രമാണ് ചെക്ക് റിപ്പബ്ലിക്കൻ ബ്രാൻഡ് ഇവിടെ പയറ്റിയിരിക്കുന്നത്. അതും നിർമാണ നിലവാരത്തിലും സേഫ്റ്റിയിലും യാതൊരുവിധ വിട്ടുവീഴ്ച്ചകളും ചെയ്യാതെയാണ് കൈലാക് സാധിച്ചിരിക്കുന്നത് എന്ന് വ്യക്തം.

7.89 ലക്ഷം രൂപയുടെ പ്രാരംഭ വിലയിൽ ഇതിനോടകം പലരും വീണു കഴിഞ്ഞു. പക്ഷേ 7.89 ലക്ഷം രൂപയെന്ന വില കേട്ട് ഷോറൂമിലേക്ക് വെച്ച് പിടിക്കേണ്ട. ഇത് കൈലാക്കിന്റെ ബേസ് മോഡലിന്റെ എക്സ്ഷോറൂം വില മാത്രമാണ്. ഇൻഷുറൻസും റോഡ് ടാക്‌സുമെല്ലാമായി വരുന്ന വില കേട്ടാൽ . ക്ലാസിക്, സിഗ്നേച്ചർ, സിഗ്നേച്ചർ പ്ലസ്, പ്രസ്റ്റീജ് എന്നിങ്ങനെ നാല് വേരിയൻ്റുകളിലാണ് കൈലാക് വിപണനത്തിന് എത്തിയിരിക്കുന്നത്.

പുത്തൻ സ്കോഡ കൈലാക് ഷോറൂമിൽ നിന്നും നിരത്തിലിറക്കാൻ വേണ്ടി വരുന്ന ശരിക്കും തുക നോക്കാം. 7.89 ലക്ഷം രൂപ എക്സ്ഷോറൂം വില വരുന്ന ക്ലാസിക് വേരിയന്റ് വാങ്ങാനിരിക്കുന്നവർ പോക്കറ്റിൽ നിന്ന് ഇറക്കേണ്ടത് 9.47 ലക്ഷം രൂപയാണ്. ഇതിൽ 7.89 ലക്ഷം രൂപ എക്സ്ഷോറൂം വില വരുമ്പോൾ റോഡ് ടാക്‌സും രജിസ്ട്രേഷനുമെല്ലാമായി 1.05 ലക്ഷം രൂപയോളമാണ് മുടക്കേണ്ടി വരിക. ഇൻഷുറൻസിനായി 43,000 രൂപയോളവും വരും. പിന്നെ വാല്യു ആഡഡ് സർവീസ് ചാർജുകൾ എല്ലാമായി 10,000 രൂപയും കൈയിൽ നിന്നും ഇറക്കേണ്ടതായി വരും. അങ്ങനെ മൊത്തത്തിൽ കൈലാക്കിന്റെ ബേസ് മോഡൽ നിരത്തിലിറങ്ങുമ്പോൾ 9.47 ലക്ഷം രൂപയോളം വരുമെന്നാണ് കണക്കുകൾ. അതുപോലെ 9,59000 എക്സ്ഷോറൂം വിലയുള്ള സിഗ്നേച്ചര്‍ വേരിയന്റിന് 11,50787 രൂപയും 11 40 000 എക്സ്ഷോറൂം വിലയുള്ള സിഗ്നേച്ചര്‍ പ്ളസിന് 13,88 552 രൂപയുമാകും 14,40 000 എക്സ് ഷോറൂം വിലയുള്ള ഏറ്റവും ഉയര്‍ന്ന വേരിയന്‍റ് ആയ പ്രസ്റ്റീജ് മോഡലിന് 16,24 034ആണ് റേറ്റ്. സിഗ്നേച്ചര്‍ ഓട്ടോ മാറ്റിക്കിന് 12,90,737 , സിഗ്നേച്ചര്‍ പ്ള്സ് ഓട്ടോമാറ്റിക്കിന് 15,05,312, പ്രസ്റ്റീജ് ഓട്ടോമാറ്റിക്കിന് 17,50,831 രൂപ എന്നിങ്ങനെയാണ് റോഡിലിറങ്ങുമ്പോള്‍ ആവുക.

ഇനിയും പ്രതീക്ഷക്കുവകയുണ്ട് കൈലാക് ക്ളബ് എന്ന പേരില്‍ താല്‍പര്യമുള്ളവരുടെയും കാര്‍ കമ്പക്കാരുടെയും കൂട്ടായ്മ രൂപീകരിച്ച് അവര്‍ക്ക് ബുക്കിംങിന് വിലകുറച്ചു നല്‍കിയപോലെ ചില വിദ്യകള്‍ കമ്പനി ഇനിയും പരീക്ഷിച്ചു കൂടായ്കയില്ല. ചില ഓഫുകള്‍ ഉണ്ടായേക്കാമെന്ന് സാരം. അത് വര്‍ഷങ്ങളുടെ വാറന്‍റി ആയി മാറ്റാനും സാധ്യതയുണ്ട്.

കൊച്ചിയിൽ നിന്ന് ചെന്നൈയിലേക്കുള്ള വിമാനത്തിൽ സാങ്കേതിക തകരാർ; പറന്നുയർന്ന ഉടൻ നിലത്തിറക്കി, സർവീസ് റദ്ദാക്കി

December 9, 2024

കൊച്ചി: ചെന്നൈ -കൊച്ചി സ്‌പൈസ്ജെറ്റ് വിമാനം അടിയന്തരമായി നിലത്തിറക്കി. കൊച്ചിയിൽ നിന്ന് ഇന്ന് രാവിലെ പറന്നുയർന്നതിന് പിന്നാലെയാണ് പിന്നാലെയാണ് വിമാനം നിലത്തിറക്കിയത്. 147 യാത്രക്കാരുണ്ടായ വിമാനത്തിൽ പറന്നുയർന്ന ഉടൻ സാങ്കേതിക തകരാർ കണ്ടെത്തിയതോടെയാണ് നിലത്തിറക്കിയത്. പ്രശ്നം പരിഹരിക്കാൻ ശ്രമം തുടങ്ങി.

ഇന്ന് ഈ സർവീസ് റദ്ദാക്കിയെന്ന് വിമാനക്കമ്പനി അറിയിച്ചു. ഇന്ന് വൈകീട്ടത്തേക്കോ നാളത്തെയോ വിമാനത്തിൽ പോകാൻ കഴിയുന്നവർക്ക് ടിക്കറ്റ് നൽകുമെന്നും ബാക്കിയുള്ളവർക്ക് പണം തിരിച്ചുനൽകുമെന്നും സ്പൈസ് ജെറ്റ് അറിയിച്ചു.