കരുനാഗപ്പള്ളി -വൈദ്യുതി നിരക്ക് വർദ്ധനവിലൂടെയും വിലക്കയറ്റത്തിലൂടെയും കേരളത്തിലെ സാധാരണക്കാരായ ജനങ്ങളുടെ ജീവിതം താളം തെറ്റിയിരിക്കുകയാണെന്ന് സി ആർ മഹേഷ് എംഎൽഎ പ്രസ്താവിച്ചു.
UWEC കരുനാഗപ്പള്ളി നിയോജകമണ്ഡലം കമ്മിറ്റിയുടെ നേതൃത്വത്തിൽ വൈദ്യുതി നിരക്ക് വർദ്ധനവിൽ പ്രതിഷേധിച്ച് കരുനാഗപ്പള്ളി ഇലക്ട്രിസിറ്റി ഓഫീസിനു മുന്നിൽ നടന്ന ചൂട്ട് കത്തിച്ച് പ്രതിഷേധവും ധർണ്ണയും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.

കേരളത്തിൽ മൂന്നു സോണുകളായി തരംതിരിച്ച് റെഗുലേറ്റർ കമ്മീഷൻ അദാലത്ത് നടത്തുകയും പൊതുജനങ്ങളുടെ അഭിപ്രായം അറിയിക്കുകയും ചെയ്തിട്ട് ആ നിർദ്ദേശങ്ങളും അഭിപ്രായങ്ങളും ലംഘിച്ചു കൊണ്ടാണ് ചാർജ് വർദ്ധനവ് നടത്തിയിരിക്കുന്നത്. ഇതിനെതിരെ ശക്തമായ പ്രതിഷേധം കേരളമാകെ അലയടിക്കേണ്ടതാണ്. കേരളത്തിലെ മുഴുവൻ ജനങ്ങളും പിണറായി സർക്കാരിന്റെ വൈദ്യുതി നയത്തിനെതിരെ രംഗത്തിറങ്ങണമെന്നും സി.ആർ മഹേഷ് എംഎൽഎ പറഞ്ഞു.

യു ഡബ്ല്യു ഇ സി സംസ്ഥാന ഓർഗനൈസിംഗ് ജനറൽ സെക്രട്ടറി ബോബൻ ജി നാഥ് പ്രതിഷേധ ജ്വാല തെളിയിക്കുകയും മുഖ്യപ്രഭാഷണം നടത്തുകയും ചെയ്തു.യു ഡബ്ല്യു ഇ സി കരുനാഗപ്പള്ളി നിയോജകമണ്ഡലം പ്രസിഡൻറ് ബി മോഹൻദാസ് അധ്യക്ഷതവഹിച്ചു,കോൺഗ്രസ് നേതാക്കളായ നീലികുളം സദാനന്ദൻ, ബാബുജി പട്ടത്താനം, എൻ രമണൻ, ജി കൃഷ്ണപിള്ള, പെരുമാനൂർ രാധാകൃഷ്ണൻ, സുഭാഷ് ബോസ്, പനക്കുളങ്ങര സുരേഷ്, പി സോമരാജൻ, ആർ എസ് കിരൺ, മോളി എസ് ,വത്സല, രതീദേവി, ഷെഫീഖ് കാട്ടയ്യം,അനില ബോബൻ, പുന്നൂർ ശ്രീകുമാർ, പി വി ബാബു, വി കെ രാജേന്ദ്രൻ, സുനിൽകുമാർ മാമൂട്, ഫഹദ് തറയിൽ, ആർ ദേവരാജൻ, സുനിത സലിംകുമാർ, എൻ.രാജു,അമ്പിളി ശ്രീകുമാർ,രമേശൻ കൊമരേത്ത്, രാജു നമ്പരുവികാല, ജോൺസൻകുരുപ്പിളയിൽ,രമേശ് ബാബു,ബീന ജോൺസൺ,കെ എസ് കെ രാമചന്ദ്രൻ,പി എ താഹ ,ഉല്ലാസ് കുമാർ,രാജീവൻ,വർഗീസ് ഡാനിയൽ,ഹമീദ് കുഞ്ഞ്,ഹരിദാസൻഎന്നിവർ പ്രസംഗിച്ചു.

കരുനാഗപ്പള്ളി. സിനിമയുടെകഥ , തിരക്കഥ, സംവിധാനം എന്നിവയെക്കുറിച്ച് വിദ്യാർത്ഥികളുമായി സംവദിച്ച് സിനിമാ സംവിധായകന്‍ രാജസേനൻ. കരുനാഗപള്ളി നഗരസഭ വിദ്യാഭ്യാസ സ്റ്റാന്റിംഗ് കമ്മിറ്റി യുടെ നേതൃത്വത്തിലായിരുന്നു. പരിപാടി സംഘടിപ്പിച്ചത്. കഥയിൽ നിന്നും തിരക്കഥയുണ്ടാക്കുന്നതും ശേഷം താരങ്ങളെ തെരഞ്ഞെടുത്ത് സംവിധാനം ചെയ്യുന്നതുമൊക്കെ രാജ സേനൻ അവതരിപിച്ചത് കുട്ടികൾക്ക് പുതിയൊരനുഭവമായി മാറി.

വിദ്യാർത്ഥികളിൽ നിന്നും നിരവധി സംശയങ്ങൾക്കും ചോദ്യങ്ങൾക്കും മറുപടി നൽകുകയും ചെയ്തു. നഗരസഭ പരിധിയിലെ വിവിധ സ്കൂളുകളിൽ നിന്നും തെരഞ്ഞെടുത്ത വിദ്യാർത്ഥികളാണ് സംവാദത്തിൽ പങ്കെടുത്തത്. പരിപാടിയുടെ ഉദ്ഘാടനം സി ആര്‍ മഹേഷ് എംഎല്‍എ നിർവഹിച്ചു. സിനിമ സംവിധായകനും നഗരസഭാംഗമായ റജി ഫോട്ടോ പാർക്ക് അദ്ധ്യക്ഷത വഹിച്ചു.
എഴുത്തുകാരായ വിമൽ റോയ്, സുനിൽകുമാർ , മുൻ നഗരസഭ ചെയർമാൻ കോട്ടയിൽ രാജു , കെ എസ് പുരം സുധീർ , സജീവ് മാമ്പറ എന്നിവർ സംസാരിച്ചു. ന്യൂ ഇയർ ഫെസ്റ്റിന്റെ ലോഗോ പ്രകാശനവും നിർവ്വഹിച്ചു.