കൊച്ചി. റവന്യൂ അവകാശങ്ങൾ പുനസ്ഥാപിക്കണമെന്ന് ആവശ്യപ്പെട്ടുള്ള മുനമ്പം നിവാസികളുടെ സമരത്തിന്റെ എൺപത്തിയഞ്ചാം ദിനത്തിൽ മനുഷ്യച്ചങ്ങല സംഘടിപ്പിച്ച് സമരസമിതി .വൈപ്പിൻ ബീച്ച് മുതൽ മുനമ്പം സമരപ്പന്തൽ വരെ 25000 ത്തോളം ആളുകളാണ് മനുഷ്യചങ്ങലയുടെ ഭാഗമായത്. സമരം 90ാം ദിവസത്തിലേക്ക് എത്തുമ്പോൾ സർക്കാരിന്റെ അനുകൂലമായ തീരുമാനം ഉണ്ടാകുമെന്ന പ്രതീക്ഷയിലാണ് മുനമ്പം ജനത
മുനമ്പം ജനത സർഗ്ഗാത്മകമായ പ്രതിഷേധത്തിലേക്കാണ് കടന്നിരിക്കുന്നത്. 25000 ത്തോളം ആളുകളാണ് ഇന്ന് തീർത്ത മനുഷ്യ ചങ്ങലയിൽ അണിനിരന്നത് . വൈപ്പിൻ ബീച്ച് മുതൽ മുനമ്പം സമരപ്പന്തൽ വരെ അവർ ഒന്നിച്ച് കൈപിടിച്ചു . നഷ്ടപ്പെട്ട് പോയ റവന്യൂ അവകാശങ്ങൾ പുനസ്ഥാപിക്കണമെന്ന് ആവശ്യം മാത്രമാണ് എൺപത്തിയഞ്ചാം ദിനത്തിലും ഇവർക്കുള്ളത് . വരാപ്പുഴ അതിരൂപത , കൊച്ചി അതിരൂപത , എറണാകുളം അങ്കമാലി അതിരൂപത , എസ്എൻഡിപി, എൻഎസ്എസ് തുടങ്ങി എല്ലാവരും മുനമ്പം ജനതയ്ക്ക് ഐക്യദാർഢ്യവുമായി എത്തി. വൈപ്പിൻ ബീച്ച് മുതൽ ആരംഭിച്ച മനുഷ്യ ചങ്ങലയുടെ ആദ്യകണ്ണി വരാപ്പുഴ മേജർ ആർച്ച് ബിഷപ്പ് ഡോക്ടർ ജോസഫ് കളത്തിപ്പറമ്പിൽ .
മനുഷ്യചങ്ങലക്കുശേഷം വിദ്യാർഥികളുടെ നേതൃത്വത്തിൽ ഫ്ലാഷ് മോബും സംഘടിപ്പിച്ചു. പുതുവത്സരം നല്ല കാലത്തിന്റെ തുടക്കം എന്ന് ഫാദർ ആംബ്രോസ് പുത്തൻവീട് ആശംസിച്ചു. സി എൻ രാമചന്ദ്രൻ കമ്മീഷൻ സ്ഥലം സന്ദർശിച്ചതോടുകൂടി പ്രശ്നങ്ങൾക്ക് പരിഹാരം ഉണ്ടാകുമെന്ന് പ്രതീക്ഷയുണ്ടായെന്ന് മുനമ്പം നിവാസികൾ
