ഓസ്ട്രേലിയക്കെതിരായ രണ്ടാം ഏകദിനത്തിലും തുടരെ രണ്ടാം വട്ടവും കോഹ്ലി പൂജ്യത്തിനു പുറത്തായി. 4 പന്തു മാത്രം നേരിട്ട കോഹ്ലിയെ സേവ്യര് ബാര്ട്ലെറ്റ് വിക്കറ്റിനു മുന്നില് കുടുക്കി.
ടോസ് നേടി ഇത്തവണയും ഓസ്ട്രേലിയ ഇന്ത്യയെ ബാറ്റിങിനു അയക്കുകയായിരുന്നു. സ്കോര് 17ല് നില്ക്കെ ഇന്ത്യക്ക് ആദ്യ വിക്കറ്റ് നഷ്ടമായി. ക്യാപ്റ്റനും ഓപ്പണറുമായ ശുഭ്മാന് ഗില്ലാണ് ആദ്യം മടങ്ങിയത്. സേവ്യര് ബാര്ട്ലെറ്റാണ് ഗില്ലിനെ മടക്കിയത്. ഏഴാം ഓവറിന്റെ ആദ്യ പന്തിലാണ് ഗില്ലിനെ താരം മടക്കിയത്. ഇതേ ഓവറിന്റെ അഞ്ചാം പന്തില് കോഹ്ലിയേയും ബാര്ട്ലെറ്റ് മടക്കി. ഗില് 9 റണ്സ് മാത്രമാണ് നേടിയത്.
ഒടുവില് വിവരം കിട്ടുമ്പോള് ഇന്ത്യ 19.2 ഓവറിൽ 2 വിക്കറ്റ് നഷ്ടത്തില് 84 റണ്സെന്ന നിലയില് കരുതലോടെ ക്രീസില് നില്ക്കുന്നു. 44 റണ്സുമായി രോഹിത് ശര്മയും 29 റണ്സുമായി ശ്രേയസ് അയ്യരുമാണ് ക്രീസില്.
