ന്യൂഡൽഹി. റഷ്യൻ പ്രസിഡൻറ് വ്ളാഡിമിർ പുടിൻ ഇന്ത്യയിൽ എത്തി. പ്രോട്ടോക്കോളുകൾ മാറ്റിവെച്ച് വിമാനത്താവളത്തിൽ എത്തി സ്വീകരിച്ച് പ്രധാനമന്ത്രി. റഷ്യൻ പ്രസിഡന്റിനായി പ്രധാനമന്ത്രിയുടെ വസതിയിൽ ഇന്ന് അത്താഴവിരുന്ന്. വ്ളാഡിമിർ പുടിൻ്റെ ഔദ്യോഗിക പരിപാടികൾ നാളെ.
ഡൽഹിയിലെ പാലം സൈനിക വിമാനത്താവളത്തിൽ എത്തിയ റഷ്യൻ പ്രസിഡണ്ടിന് രാജ്യത്തിൻറെ ഹൃദ്യമായ സ്വീകരണം. പ്രോട്ടോക്കോളുകൾ മാറ്റിവെച്ച് പ്രധാനമന്ത്രി നേരിട്ട് എത്തി വ്ളാഡിമിർ പുടിനെ സ്വീകരിച്ചു.
ഇരുവരും ഒരേ വാഹനത്തിൽ പ്രധാനമന്ത്രിയുടെ വസതിയിലേക്ക്. നാളെ രാവിലെ രാഷ്ട്രപതി ദൗപതി മുർവുമായ് റഷ്യൻ പ്രസിഡൻറ് കൂടിക്കാഴ്ച നടത്തും.
രാജ്ഘട്ട് സന്ദർശിച്ച ശേഷം ഹൈദരാബാദ് ഹൗസിൽ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച. ആരോഗ്യം പ്രതിരോധം കൃഷി ഉൾപ്പെടെ വിവിധ മേഖലകളിൽ ഇരു രാജ്യങ്ങളും തമ്മിലുള്ള ഉഭകക്ഷി ബന്ധം ശക്തമാക്കുന്നതിനുള്ള ധാരണ പത്രങ്ങളിൽ ഒപ്പുവെച്ചേക്കും. ഇരുപത്തിമൂന്നാമത് ഇന്ത്യ റഷ്യ വാർഷിക ഉച്ചകോടിയിലും വ്ളാഡിമിർ പുടിൻ പങ്കെടുക്കും. റഷ്യ – ഉക്രൈൻ സംഘർഷത്തിനു ശേഷമുള്ള വ്ളാഡിമിർ പുടിൻ്റെ ആദ്യ ഇന്ത്യ സന്ദർശനം ആണിത്.
