Advertisement
ശ്രീനഗര്: ജമ്മു കശ്മീരിലെ കിഷ്ത്വാര് മേഖലയില് മേഘവിസ്ഫോടനത്തെ തുടര്ന്നുണ്ടായ വെള്ളപ്പൊക്കത്തിലും മണ്ണിടിച്ചിലിലും മരണ സംഖ്യ ഉയരുന്നു. അപകടത്തില് മരിച്ചവരുടെ എണ്ണം 65 ആയി. അപകടത്തില് കാണാതായ 200ഓളം പേര്ക്ക് വേണ്ടിയുള്ള തിരച്ചില് തുടരുകയാണ്.
കശ്മീരിലെ കിഷ്ത്വാര് ജില്ലയിലെ ചഷോട്ടി പ്രദേശത്താണ് ദുരന്തം പെയ്തിറങ്ങിയത്. മച്ചൈല് മാതാ ക്ഷേത്രത്തിലേക്കുള്ള വഴിയിലെ വാഹന ഗതാഗതയോഗ്യമായ അവസാന ഗ്രാമമാണിത്. അപകടത്തില്പ്പെട്ട ഭൂരിഭാഗവും ക്ഷേത്രത്തിലേക്ക് എത്തിയ തീര്ത്ഥാടകരാണ്. 150 ഓളം പേര്ക്ക് പ്രളയത്തെ തുടര്ന്നുള്ള അപകടങ്ങളില് പരിക്കേറ്റിരുന്നു. ഇരുനൂറില് ഏറെ പേരെ പ്രദേശത്തു നിന്നും സുരക്ഷിത കേന്ദ്രങ്ങളിലേക്ക് മാറ്റിയിട്ടുണ്ട്. സൈന്യത്തിന്റെയും ദേശീയ സംസ്ഥാന ദുരന്തനിവാരണ സേനകളുടെയും നേതൃത്വത്തില് പ്രദേശത്ത് രക്ഷാപ്രവര്ത്തനം തുടരുകയാണ്.
Advertisement
