2006 ലെ മുംബൈ ട്രെയിന് സ്ഫോടനക്കേസിലെ 12 പ്രതികളെയും കുറ്റവിമുക്തരാക്കിയ ബോംബെ ഹൈക്കോടതി വിധിക്ക് സുപ്രീം കോടതിയുടെ സ്റ്റേ. മഹാരാഷ്ട്ര സര്ക്കാര് സമര്പ്പിച്ച അപ്പീല് പരിഗണിച്ചാണ് നടപടി. ഹൈക്കോടതി വിധി ഒരു കീഴ്വഴക്കമാക്കരുതെന്നു നിരീക്ഷിച്ച സുപ്രീം കോടതി,ഹൈക്കോടതി വിധിക്ക് പിന്നാലെ ജയില് മോചിതരായ പ്രതികളെ തിരികെ ജയിലില് അടയ്ക്കണ്ടതില്ലെന്നും വ്യക്തമാക്കി. ഹര്ജിയില് കേസിലെ എല്ലാ പ്രതികള്ക്കും സുപ്രീം കോടതി നോട്ടീസ് അയച്ചു. സര്ക്കാരിന്റെ അപ്പീലില് പ്രതികരണം തേടിയാണ് നോട്ടീസ്. ജസ്റ്റിസ് എം എം സുന്ദരേഷ്, എന് കോടീശ്വര് സിങ് എന്നിവരടങ്ങിയ ബെഞ്ചണ് കേസ് പരിഗണിച്ചത്.
2006 ലെ ട്രെയിന് സ്ഫോടന പരമ്പരകളിൽ 187 പേരാണ് കൊല്ലപ്പെട്ടത്. പ്രതികള്ക്ക് എതിരായ കുറ്റങ്ങള് തെളിയിക്കുന്നതില് പ്രോസിക്യൂഷന് പരാജയപ്പെട്ടെന്ന് ചൂണ്ടിക്കാട്ടിയാണ് സംഭവം നടന്ന് 19 വര്ഷത്തിന് ശേഷം ബോംബെ ഹൈക്കോടതി പ്രതികളെ വെറുതെ വിട്ടത്.
