മുംബൈ :മുംബൈയ്ക്കടുത്ത് നല്ലസോപാരയിൽ ദൃശ്യം മോഡൽ കൊല നടത്തിയ യുവതിയിൽ യും കാമുകനും പിടിയിൽ. ഭർത്താവിനെ കൊന്ന് വീടിനകത്ത് തന്നെ കുഴിച്ച് മൂടിയ കേസിലാണ് പ്രതികൾ പിടിയിലായത്. പൂനെയിൽ ഒളിവിൽ കഴിയവേയാണ് അറസ്റ്റ്.
28കാരിയായ ചമൻ ദേവിയും 22കാരനായ കാമുകൻ മോനുവുമാണ് ഒടുവിൽ പിടിയിലായത്. ജൂലൈയിലെ ആദ്യവാരമാണ് ചമൻ ദേവി കാമുകനൊപ്പം ചേർന്ന് വിജയ് ചൌഹാൻ എന്ന ഭർത്താവിനെ കൊലപ്പെടുത്തുന്നത്. പിന്നാലെ വീടിനകത്ത് തന്നെ കുഴിയെടുത്ത് മൃതദേഹം മണ്ണിട്ട് മൂടി. വീട്ടിലെ ടൈൽ ഇളകിമാറിയെന്നും ശരിയാക്കണമെന്നും പറഞ്ഞ് ഭർത്താവിൻറെ സഹോദരനെകൊണ്ട് തന്നെ പുതിയ ടൈൽ പാകിച്ചു. രണ്ടാഴ്ചയോളം ഇതേ വീട്ടിൽ കഴിഞ്ഞു. അയൽവാസിയായ മോനു ബിഎസ് സി ഐടി ബിരുദ പഠനം നടത്തുകയാണ്. രണ്ടാഴ്ചയോളം വിജയിയെക്കുറിച്ച് വിവരം ഇല്ലാതായതോടെ സഹോദരങ്ങൾ അന്വേഷിച്ചതോടെയാണ് കൊലപാതകം പുറത്തറിയുന്നത്. വിജയ് ജോലി ആവശ്യത്തിന് മറ്റൊരിടത്തേക്ക് പോയെന്നാണ് ചമൻദേവി പറഞ്ഞ് കൊണ്ടിരുന്ന്. തന്നെകൊണ്ട് ടൈൽ മാറ്റിച്ച സംഭവത്തിൽ സംശയം തോന്നിയ വിജയുടെ സഹോദരൻ ടൈൽ മാറ്റി പരിശോധിച്ചു. ഏറെ ആഴത്തിലല്ലാതെ മൃതദേഹം കണ്ടതോടെ പൊലീസിൽ വിവരം അറിയിച്ചു. തുടർന്നാണ് പ്രതികൾക്കായി വ്യാപക അന്വേഷണം നടത്തിയത്. പൂനെയിൽ നിന്ന് പിടികൂടിയ പ്രതികളെ മുംബൈയിൽ എത്തിച്ചു,
