ഡൽഹി. കരോൾബാഗിൽ തീപിടുത്തം ലിഫ്റ്റിൽ കുടുങ്ങിയ 25 കാരൻ മരിച്ചു.13 അഗ്നിശമനസേന യൂണിറ്റുകൾ എത്തിയാണ് തീ നിയന്ത്രണ വിധേയമാക്കിയത്. അപകടത്തിൽ കേസെടുത്തു പോലീസ് അന്വേഷണം ആരംഭിച്ചു
വെള്ളിയാഴ്ച വൈകിട്ട് 6 30 ഓടെയാണ് ഡൽഹി കരോൾബാഗിലെ വിശാൽ മെഗാ മാർട്ടിൽ തീപിടുത്തം ഉണ്ടായത്. നാലു നില കെട്ടിടത്തിന്റെ ഔട്ട്ലെറ്റിലാണ് തീപിടിച്ചത്. വസ്ത്രങ്ങളും, ഇട്രോണിക്സ് ഉപകരണങ്ങളും
പൂർണ്ണമായും കത്തി നശിച്ചു. തൊട്ടടുത്ത നിലകളിലേക്കും തീ പടർന്നു. ജീവനക്കാരെയും സാധനങ്ങൾ വാങ്ങാൻ എത്തിയവരെയും സുരക്ഷിതരായി പുറത്തേക്ക് എത്തിച്ചു. തീപിടുത്തത്തെ തുടർന്ന് കെട്ടിടത്തിലെ വൈദ്യുതി വിച്ഛേദിച്ചിരുന്നു. ഇതിനിടയിൽ ലിഫ്റ്റിൽ കുടുങ്ങിയ 25 കാരനായ കുമാർ ധിരേന്ദ്രപ്രതാപ് ആണ് മരിച്ചത്. 13 ഫയർ ഫോഴ്സ് യൂണിറ്റുകൾ സ്ഥലത്തെത്തി തീ നിയന്ത്രണവിധേയമാക്കി. ഷോർട്ട് സർക്യൂട്ട് ആകാം തീപിടുത്തത്തിന് കാരണമെന്നാണ് പ്രാഥമിക നിഗമനം. അപകടത്തിൽ കരോൾബാഗ് പോലീസ് കേസെടുത്ത അന്വേഷണം ആരംഭിച്ചു
