ശാസ്താംകോട്ട:ബസേലിയോസ് മാത്യൂസ് സെക്കൻ്റ് കോളേജ് ഓഫ് എഞ്ചിനീയറിംഗിലെ കമ്പ്യൂട്ടർ സയൻസ് വിദ്യാർത്ഥികളുടെ കൂട്ടായ്മായ ആസ്ട്രിസ്സ് സംഘടിപ്പിക്കുന്ന ‘ഐറിസ് 26’ ത്രിദിന ടെക്നിക്കൽ ഫെസ്റ്റ് 28ന് സമാപിക്കും.
ഫെസ്റ്റിൻ്റെ ഭാഗമായി 27ന് ദേശീയ കോൺക്ലേവ്,സംസ്ഥാനതല ഐഡിയത്തോൺ,ഹാക്കത്തോൺ എന്നിവ നടക്കും.കോഗ്നിസൻ്റ് ടെക്നോളജി സൊല്യൂഷൻസ് ഗ്ലോബൽ എക്സ്പാൻഷൻ സ്ട്രാറ്റജീസ് സീനിയർ മാനേജർ ഷൺമുഖം.പി ചടങ്ങ് ഉദ്ഘാടനം ചെയ്യും.രാജ്യത്തുടനീളം പ്രവർത്തിക്കുന്ന വിദ്യാഭ്യാസ സ്ഥാപനങ്ങളിൽ നിന്നും വിദ്യാർത്ഥികൾ പങ്കെടുക്കും.’ദി ഡെത്ത് ഓഫ് ജൂനിയർ ഡെവലപ്പേർസ്’ എന്നതാണ് കോൺക്ലേവിൻ്റെ പ്രമേയം.ആർട്ടിഫിഷ്യൽ ഇൻ്റലിജൻസ് (എ.ഐ),ഓട്ടോമേഷൻ,വ്യവസായ മേഖലയിൽ മാറിക്കൊണ്ടിരിക്കുന്ന പ്രതീക്ഷകൾ എന്നിവ തുടക്കക്കാരായ പ്രോഗ്രാമർമാരുടെ ജോലിയെ എങ്ങനെ ബാധിക്കുന്നുവെന്നത് ഇതിൽ വിശദമായി പരിശോധിക്കും.ഇത്തരത്തിലുള്ള നിരവധി വിഷയങ്ങൾ ചർച്ച ചെയ്യും.അർജുൻ വേണുഗോപാൽ,ഷിൻ എം.വി,അജിത് സതീഷ് ചന്ദ്രൻ,സജിത്ത് ഗോപിനാഥ് എന്നിവർ വിവിധ സെക്ഷനുകളിൽ സംസാരിക്കും.ഇതിനൊപ്പം ലോഗോ ഡിസൈനിംഗ്,ക്യാപ്ചർ ദി ഫ്ലാഗ്,ഡിബഗ്ഗിംഗ്,ക്വിസ് മത്സരം,വനിതാദിനത്തോട് അനുബന്ധിച്ചുള്ള പ്രത്യേക ടോക് സെഷൻ എന്നിവയും നടക്കുമെന്ന് സംഘാടക സമിതി ഭാരവാഹികളായ പ്രൊഫ.ലിൻ്റോ എം ജോൺ,ഡോ.കവിത വി.കെ,പ്രൊഫ.ജയകൃഷ്ണൻ.ആർ, പ്രൊഫ.ജിമ്മി ജേക്കബ്ബ്,അഭിമന്യൂ.എസ് എന്നിവർ പറഞ്ഞു.
