കൊട്ടിയം: അന്തര് സംസ്ഥാന സര്വീസ് നടത്തുന്ന സ്വകാര്യ ടൂറിസ്റ്റ് ബസ്സില് എംഡിഎംഎ കടത്തിയ യുവാവ് പോലീസ് പിടിയില്. ഇന്നലെ ബാംഗ്ലൂരില് നിന്നും ഇന്റര് സിറ്റി ബസ്സില് കൊട്ടിയം ജംഗ്ഷനില് ഇറങ്ങിയ മുഖത്തല, പാങ്കോണം മരുതമണ് വീട്ടില് അനന്തു കൃഷ്ണന് (25) ആണ് 12 ഗ്രാം എംഡിഎംഎയുമായി പിടിയിലായത്. കൊട്ടിയം പോലീസും സിറ്റിഡാന്സ് ടീമും ചേര്ന്നാണ് ഇയാളെ അറസ്റ്റ് ചെയ്തത്.
ബംഗളൂരുവില് യൂബര് ടാക്സി ഡ്രൈവറായ ഇയാള് ആഴ്ചയില് ഒരു ദിവസം എംഡിഎംഎയുമായി എത്തുന്നുണ്ടെന്ന് കൊല്ലം സിറ്റി പോലീസ് കമ്മീഷണര്ക്ക് കിട്ടിയ രഹസ്യ വിവരത്തെ തുടര്ന്ന് ഡാന്സാഫ് ടീം സബ് ഇന്സ്പെക്ടര്മാരായ സായി സേനന്, രഞ്ജു തുടങ്ങിയവരും കൊട്ടിയം പോലീസും ചേര്ന്ന് കൊട്ടിയത്ത് ബസില് വന്നിറങ്ങിയ ഇയാളെ പിടികൂടി നടത്തിയ പരിശോധനയിലാണ് എംഡിഎംഎ പിടികൂടിയത്.
ഇവര് രണ്ടു പേരായിരുന്നു മയക്കുമരുന്ന് കൊണ്ടുവരുന്നതിനായി ബംഗളുരുവിലേക്ക് പോയിരുന്നത്. ഇവരില് ഒരാള് നേരത്തേ തിരികെയെത്തിയതായാണ് വിവരം ഇയാള്ക്കായി പൊലീസ് തിരച്ചില് ആരംഭിച്ചിട്ടുണ്ട്. ബംഗളുരുവില് നിന്നും കൊണ്ടുവരുന്ന എംഡിഎംഎ ഇവിടെ മൊത്ത വിതരണക്കാര്ക്കാണ് നല്കാറുള്ളത്. ഇവരില് നിന്നും മയക്കുമരുന്ന് വാങ്ങി മൊത്ത വില്പ്പന നടത്തുന്നവരെക്കുറിച്ച് പോലീസിന് വിവരം ലഭിച്ചിട്ടുണ്ട്.