മൈനാഗപ്പള്ളി. ഉദയാ ലൈബ്രറി, ക്രിസ്മസ്സ് /പുതുവത്സരാഘോഷവും, 1979, 1982, 1984 വർഷങ്ങളിൽ ആകാശവാണിയിലൂടെ ‘ബാലലോകം’ പരിപാടികൾ അവതരിപ്പിച്ച മുൻ ‘ഉദയാ റേഡിയോ ക്ലബ്ബ്’ കൂട്ടുകാരുടെ പുനസ്സമാഗമവും നടത്തി. പരിപാടികൾ ഏവർക്കും ക്രിസ്സ്മസ് കേക്ക്മുറിച്ച് മധുരം നല്കിക്കൊണ്ട് മുൻ റേഡിയോ ക്ലബ്ബ് രക്ഷാധികാരിയും എഴുത്തുകാരനുമായ സി.കെ.മന്മഥൻ നായർ മൈനാഗപ്പളളി ഉദ്ഘാടനം ചെയ്തു. മുൻ ലൈബ്രറി പ്രസിഡന്റ് അഡ്വ.റ്റി. മോഹനൻ അദ്ധ്യക്ഷത വഹിച്ചു.താലൂക്ക് ലൈബ്രറി കൗൺസിൽ അംഗം കെ.പ്രസന്നകുമാർ, ഡോ. സോമരാജൻ പിള്ള മാരുതി, ഗ്രാമപഞ്ചായത്തംഗങ്ങളായ പി.കെ.ഗോപകുമാർ, ജി.ശാന്തകുമാരിയമ്മ, അഡ്വ.തോമസ് വൈദ്യൻ, പി.എസ്.അജിത ടീച്ചർ തുടങ്ങിയവർ ആശംസാ പ്രസംഗങ്ങൾ നടത്തി. തുടർന്ന് റേഡിയോക്ലബ്ബ് കൂട്ടുകാരും ഗായിക പ്രിയ.പി. കുമാറും ചേർന്ന് ആകാശവാണിയിലൂടെ പ്രക്ഷേപണം ചെയ്ത ബാലലോകം പരിപാടികളുടെപുനരാവിഷ്കരണം നടത്തി. ഉദയയുവത പ്രസിഡന്റ് അജു.ജി.നാഥ് സ്വാഗതവും, സെക്രട്ടറി പ്രിയ.പി. കുമാർ നന്ദിയും പറഞ്ഞു. ലൈബ്രറി പ്രസിഡന്റ് കെ.മോഹനൻ, ബി.സരോജാക്ഷൻ പിള്ള, ഭരണ സമിതി അംഗങ്ങൾ, ലൈബ്രേറിയൻ മാർ തുടങ്ങിയവർ നേതൃത്വം നല്കി.
