കരുനാഗപ്പള്ളി . ഗ്രാവിറ്റി കൾച്ചറൽ തീയറ്റർ, കരുനാഗപ്പള്ളി താലൂക്ക് ലൈബ്രറി കൗൺസിലുമായി ചേർന്ന് സംഘടിപ്പിച്ച ആയിരത്തിനി അക്ഷരത്തിരി പരിപാടിയുടെ ഭാഗമായി ഗ്രന്ഥശാല ദിനത്തിൽ അക്ഷരദീപങ്ങൾ തെളിഞ്ഞു. കരുനാഗപ്പള്ളി ബോയ്സ് ഹയർ സെക്കൻഡറി സ്കൂൾ അങ്കണത്തിൽ നടന്ന പരിപാടിയിൽ താലൂക്കിലെ ഗ്രന്ഥശാല പ്രവർത്തകരും സാംസ്കാരിക പ്രവർത്തകരും ചേർന്ന് അക്ഷരദീപങ്ങൾ തെളിയിച്ചു.
പ്രഭാഷകനും എഴുത്തുകാരനുമായ സുനിൽ പി. ഇളയിടം
‘ ഖസാക്ക് കാലം ദേശം’ എന്ന വിഷയത്തിൽ പ്രഭാഷണം നടത്തി പരിപാടി ഉദ്ഘാടനം ചെയ്തു. തുടർന്ന് നാടകപ്രവർത്തകരനായ
കരുനാഗപ്പള്ളി കൃഷ്ണൻകുട്ടി ഗായികരായ കെ എസ് പ്രിയ, വരലക്ഷ്മി, താലൂക്ക് ലൈബ്രറി കൗൺസിൽ പ്രസിഡൻ്റ് കടത്തൂർ മൻസൂർ, നാടക അഭിനയത്തിലൂടെ ശ്രദ്ധേയരായി മാറിയ മീനാക്ഷി, അക്ഷയ രവീന്ദ്രൻ, ആവന്തിക, ചെറുപ്രായത്തിനുള്ളിൽ ഏറ്റവും കൂടുതൽ പുസ്തകങ്ങൾ വായിച്ച് ശ്രദ്ധേയനായ അമീൻഷ, സൽമ,ഗിരീഷ് ഗോപിനാഥ്, എൽ ശ്രീലത, ആർ ഗോപി ദാസ് എന്നിവർ ചേർന്ന് അക്ഷര ദീപങ്ങൾ തെളിയിച്ചു. ഗ്രാവിറ്റി സെക്രട്ടറി വി വിമൽറോയ് അധ്യക്ഷനായി. താലൂക്ക് ലൈബ്രറി കൗൺസിൽ സെക്രട്ടറി വി വിജയകുമാർ, ഇടക്കുളങ്ങര ഗോപൻ, ബി കൃഷ്ണകുമാർ തുടങ്ങിയവർ പങ്കെടുത്തു. ഗ്രാവിറ്റി കൾച്ചറൽ തീയറ്ററിന്റെ നേതൃത്വത്തിൽ ഡിസംബർ 27 മുതൽ 30 വരെ വിഖ്യാത നാടക പ്രവർത്തകൻ ദീപൻ ശിവരാമൻ സംവിധാനം ചെയ്ത ഖസാക്കിന്റെ ഇതിഹാസം എന്ന വേറിട്ട നാടകത്തിൻ്റെ അവതരണം കരുനാഗപ്പള്ളിയിൽ നടക്കുന്നതിൻ്റെ ഭാഗമായി നടന്നുവരുന്ന വിവിധ പരിപാടികളുടെ ഭാഗമായാണ് ആയിരത്തിരി അക്ഷരത്തിരി എന്ന പരിപാടി ഗ്രന്ഥശാലാദിനത്തിൽ സംഘടിപ്പിച്ചത്.
