കൊട്ടാരക്കര നീലേശ്വരത്ത് ബൈക്കുകള് കൂട്ടിയിടിച്ചുണ്ടായ അപകടത്തില് മരിച്ചത് വിവാഹത്തിന് പങ്കെടുക്കാനെത്തിയ യുവാക്കള്. ഇന്ന് ഉച്ചയ്ക്ക് രണ്ടുമണിയോടെ അമ്പലത്തുംകാല റോഡില് നീലേശ്വരം ഗുരുമന്ദിരത്തിന് സമീപത്തു വെച്ചായിരുന്നു അപകടമുണ്ടായത്. ബുള്ളറ്റ് ബൈക്കും എതിരെ വന്ന മറ്റൊരു ബൈക്കും കൂട്ടിയിടിക്കുകയായിരുന്നു.
കൊട്ടാരക്കര നീലേശ്വരം സ്വദേശി വിജില് (27), പാലക്കാട് സ്വദേശി സഞ്ജയ് (23), ആറ്റിങ്ങല് സ്വദേശി അജിത്ത് (28) എന്നിവരാണ് മരിച്ചത്. അപകടത്തില് പാലക്കാട് സ്വദേശി അക്ഷയ് എന്ന യുവാവിന് പരിക്കേറ്റിട്ടുണ്ട്.
അജിത്, സഞ്ജയ് എന്നിവര് കൊട്ടാരക്കരയില് വിവാഹത്തില് പങ്കെടുത്ത് മടങ്ങുകയായിരുന്നു. വിവാഹ വീട്ടിലെത്തിയ യുവാക്കള് സഞ്ചരിച്ചിരുന്ന ബൈക്കുകളില് ഒരെണ്ണം എതിരെ വന്ന ബുള്ളറ്റുമായി കൂട്ടിയിടിക്കുകയായിരുന്നു. അപകട സ്ഥലത്ത് തന്നെ മൂന്നുപേരും മരിച്ചു.
