കരുനാഗപ്പള്ളി. കരുനാഗപ്പള്ളി ദേശീയപാത വികസനവുമായി ബന്ധപ്പെട്ട ഗതാഗതക്കുരുക്ക് രൂക്ഷമാകുന്ന വേളയിൽ ഓണാഘോഷത്തോടനുബന്ധിച്ച് നടപ്പിലാക്കേണ്ട ഗതാഗത പരിഷ്കാരങ്ങൾക്ക് ട്രാഫിക് അഡ്വൈസറി കമ്മിറ്റി അന്തിമരൂപം നൽകി. ഓണാഘോഷ കാലയളവിൽ 10 ദിവസത്തേക്ക് ലാലാജി ജംഗ്ഷൻ മുതൽ ആശുപത്രിമുക്ക് വരെയുള്ള ദേശീയപാത നിർമ്മാണം നിർത്തിവയ്ക്കുവാൻ വിശ്വസമുദ്ര കമ്പനിക്ക് നിർദ്ദേശം നൽകി
ഓണത്തോട് അനുബന്ധിച്ചുള്ള ഗതാഗത നിർദ്ദേശങ്ങൾക്കായി ഹോസ്പിറ്റൽ ജംഗ്ഷൻ മുതൽ ലാലാജി മുക്കുവരെ തുടർച്ചയായി ബോധവൽക്കരണ അനൗൺസ്മെന്റ് നടത്തുന്നതിനും പ്രധാന ജംഗ്ഷനിൽ സ്ഥിരമായിട്ട് ബോക്സ് സ്ഥാപിച്ച് നിർദ്ദേശങ്ങൾ നൽകുന്നതിനും തീരുമാനിച്ചു
ഓണത്തോട് അനുബന്ധിച്ച് വിവിധ സാധനങ്ങൾ വാങ്ങുന്നതിനായി എത്തുന്നവരുടെ വാഹനങ്ങൾ നഗരസഭ ബസ്റ്റാൻഡ് പരിസരത്തും കരുനാഗപ്പള്ളി ബോയ്സ് ഹയർ സെക്കൻഡറി സ്കൂൾ മൈതാനത്തും പാർക്ക് ചെയ്യുന്നതിന് ആവശ്യമായ നടപടികൾ സ്വീകരിക്കുവാൻ നഗരസഭയോട് അവശ്യപെട്ടു.
ദേശീയപാതയിൽ നിർമ്മാണത്തോട് അനുബന്ധിച്ച് സർവീസ് റോഡുകൾക്ക് ഇടയിലുള്ള മേൽപ്പാല നിർമ്മാണത്തിന്റെ അടിഭാഗത്ത് 10 ദിവസത്തേക്ക് വാഹനങ്ങൾ പാർക്ക് ചെയ്യുന്നതിനായി തുറന്നു നൽകുന്നതിനും തീരുമാനിച്ചു
ഈ പ്രദേശങ്ങളിൽ ഒഴികെ ഉള്ള അനധികൃത പാർക്കിംഗ് അനധികൃത വഴിയോരക്കച്ചവടവും പൂർണമായിട്ട് നീക്കം ചെയ്യുന്നതിന് നഗരസഭ, പോലീസ്,മോട്ടോർ വെഹിക്കിൾ ഡിപ്പാർട്ട്മെന്റ് എന്നിവയുടെ സംയുക്ത പരിശോധന നടത്തുന്നതിനും തീരുമാനിച്ചു
ഇപ്പോൾ നിർമ്മാണം നടക്കുന്ന സർവ്വീസ് റോഡുകളിലെ കുഴികൾ അടിയന്തരമായി നികത്തുന്നതിനും ഗതാഗതയോഗ്യമാക്കുന്നതിനും വിശ്വസമുദ്ര കമ്പനിക്ക് നിർദ്ദേശം നൽക
സി ആർ മഹേഷ് എംഎൽഎയുടെ അധ്യക്ഷതയിൽ ചേർന്ന യോഗത്തിൽ നഗരസഭാ ചെയർമാൻ പടിപ്പുര ലത്തീഫ് അസിസ്റ്റന്റ് കമ്മീഷണർ പോലീസ് അഞ്ജന, സർക്കിൾ ഇൻസ്പെക്ടർ ബിജു മോട്ടോർ വെഹിക്കിൾ ഉദ്യോഗസ്ഥർ, മറ്റ് വകുപ്പ് ഉദ്യോഗസ്ഥർ എന്നിവർ പങ്കെടുത്തു
