തദ്ദേശസ്ഥാപനങ്ങളിലേക്കുള്ള പൊതുതിരഞ്ഞെടുപ്പിനു മുന്നോടിയായി വോട്ടര്പട്ടിക പുതുക്കുന്നതിനുള്ള അവസാനതീയതി ഓഗസ്റ്റ് 12 വരെ നീട്ടിയതായി സംസ്ഥാന തിരഞ്ഞെടുപ്പ് കമ്മീഷണര് എ.ഷാജഹാന് അറിയിച്ചു.
വോട്ടര്പട്ടിക; ഓഗസ്റ്റ് ഒന്പത്, 10 തീയതികളില് തദ്ദേശസ്ഥാപനങ്ങള് തുറന്നു പ്രവര്ത്തിക്കും
തദ്ദേശസ്വയംഭരണ സ്ഥാപനങ്ങള് ഓഗസ്റ്റ് ഒന്പത്, 10 തീയതികളില് തുറന്നു പ്രവര്ത്തിക്കുന്നതിന് സംസ്ഥാന തിരഞ്ഞെടുപ്പ് കമ്മീഷന് നിര്ദ്ദേശം നല്കി.
വോട്ടര്പട്ടിക പുതുക്കലിന്റെ ഭാഗമായി അപേക്ഷകളും ആക്ഷേപങ്ങളും സമര്പ്പിക്കുന്നവരുടെ സൗകര്യം പരിഗണിച്ചാണ് പൊതുഅവധി ദിവസങ്ങള് പ്രവൃത്തിദിനമാക്കിയത്.
ഈ ദിവസങ്ങളില് ഓഫീസില് ഹാജരാകുന്ന അപേക്ഷകര്ക്ക് ഹിയറിങും, ഒഴിവാക്കുന്നതിനുള്ള ആക്ഷേപങ്ങള് (ഫോം 5) നേരിട്ടു സ്വീകരിക്കുന്നതുമുള്പ്പെടെ വോട്ടര്പട്ടിക പുതുക്കലുമായി ബന്ധപ്പെട്ട എല്ലാ പ്രവൃത്തികളും ചെയ്യേണ്ടതാണെന്ന് ഇലക്ടറല് രജിസ്ട്രേഷന് ഓഫീസര്മാരോട് കമ്മീഷന് നിര്ദ്ദേശിച്ചു.
