കൊട്ടാരക്കര: കുട്ടികളിലെ ഇംഗ്ലീഷ് ഭാഷാ പരിജ്ഞാനവും നൈപുണികളും വികസിപ്പിക്കുന്നതിനായി കൊല്ലം സഹോദയയുടെ നേതൃത്വത്തിൽ കൊട്ടാരക്കര കരിക്കം ഇന്റർനാഷണൽ സ്കൂളിൽ നടന്ന ഇംഗ്ലീഷ് ഭാഷോത്സവത്തിൽ ബ്രൂക്ക് ഇന്റർനാഷണൽ ഓവറോൾ ചാമ്പ്യാന്മാരായി മാറി.
കൊല്ലം സഹോദയയുടെ പ്രസിഡന്റ് റവ. ഫാ. ഡോ. ജി. എബ്രഹാം തലോത്തിൽ ആണ് ഇംഗ്ലീഷ് ഭാഷോത്സവം ഉദ്ഘാടനം ചെയ്തത്. വൈസ് പ്രസിഡന്റ് ഡോ. എബ്രഹാം കരിക്കം, സെക്രട്ടറി ഫ്രാൻസിസ് സാലസ്, ട്രഷറർ ഫാ. അരുൺ അരീത്ത് എന്നിവർ സാന്നിധ്യം വഹിച്ചു. .
വിവിധ സ്കൂൾ മാനേജർമാർ, പ്രിൻസിപ്പൽമാർ, അധ്യാപകർ, വിദ്യാർത്ഥികൾ, രക്ഷിതാക്കൾ എന്നിവർ ചടങ്ങിൽ പങ്കെടുത്തു
വിവിധ വിഭാഗങ്ങളിലെ ഇരുപത്തഞ്ചോളം ഇനങ്ങളിലായി നടന്ന വാശിയേറിയ മത്സരങ്ങളിൽ
കാറ്റഗറി I ൽ (III- IV ക്ലാസുകൾ ) ഗായത്രി സെൻട്രൽ സ്കൂൾ ഒന്നാം സ്ഥാനം നേടി, സർവോദയ സെൻട്രൽ വിദ്യാലയവും ബ്രൂക്ക് ഇന്റർനാഷണൽ സ്കൂളും യഥാക്രമം രണ്ടും മൂന്നും സ്ഥാനങ്ങൾ നേടി. കാറ്റഗറി II (V-VII ക്ലാസുകൾ), കാറ്റഗറി III (VIII – X ക്ലാസുകൾ), കാറ്റഗറി IV (XI & XII ക്ലാസുകൾ) എന്നിവയിൽ ബ്രൂക്ക് ഇന്റർനാഷണൽ സ്കൂൾ ഒന്നാം സ്ഥാനത്തോടെ സർവ്വാധിപത്യം സ്ഥാപിച്ചു.
കൊല്ലം സഹോദയയിലെ മുപ്പതോളം സ്കൂളുകളാണ് മത്സരരംഗത്തു ണ്ടായിരുന്നത്. അവയിൽ നിന്നും 282 പോയിന്റുകളുമായാണ് ബ്രൂക്ക് ഇന്റർനാഷണൽ ഓവറോൾ ചാമ്പ്യന്മാരായത്. 241 പോയിന്റുമായി ഗായത്രി സെൻട്രൽ സ്കൂളും 218 പോയിന്റുമായി സർവോദയ സെൻട്രൽ വിദ്യാലയവും യഥാക്രമം രണ്ടും മൂന്നും സ്ഥാനങ്ങൾ നേടി.
ഒരു ദിവസം മുഴുവൻ നീണ്ടുനിന്ന ആഘോഷങ്ങൾക്ക് ശേഷം സമാപന സമ്മേളനത്തിൽ കൊല്ലം സഹോദയ പ്രസിഡന്റ് റവ. ഫാദർ ഡോ. ജി എബ്രഹാം തലോത്തിൽ,വൈസ് പ്രസിഡന്റ് ഡോ. എബ്രഹാം കരിക്കം, സെക്രട്ടറി ഫ്രാൻസിസ് സാലസ്, ട്രഷറർ ഫാ. അരുൺ അരീത്ത് എന്നിവർ ചേർന്ന് വിജയികൾക്കുള്ള പുരസ്കാരവിതരണം നടത്തി.
