Advertisement
ദേശീയപാത നിർമാണത്തിന്റെ ഭാഗമായി നീണ്ടകരയിൽ പുതുതായി നിർമിക്കുന്ന പാലത്തിൽനിന്ന് ഇരുമ്പു പാളം വീണു സുരക്ഷാ ജീവനക്കാരൻ മരിച്ചു. ബിഹാർ സ്വദേശി വിനോദ് സിങ് (47) ആണ് മരിച്ചത്. ഇന്നലെ വൈകിട്ട് മൂന്നരയോടെയാണു സംഭവം.
ഭക്ഷണം കഴിച്ചശേഷം വെള്ളമെടുക്കാൻ പാലത്തിനടിയിലൂടെ പോകുന്നതിനിടെ മുകളിൽനിന്ന് 15 അടി നീളമുള്ള ഇരുമ്പു പാളം ഇദ്ദേഹത്തിന്റെ മുഖത്തേക്കു വീഴുകയായിരുന്നു. ഉടൻ ജില്ലാ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. യാതൊരു സുരക്ഷയും ഇല്ലാതെയാണ് പാളം വച്ചിരുന്നതെന്ന് ആക്ഷേപം ഉയർന്നിട്ടുണ്ട്.
Advertisement
