കൊല്ലം: അഞ്ചാലുംമൂട്ടില് രാസഗുളികയുമായി യുവാക്കള് പിടിയില്. എക്സൈസ് റേഞ്ച് ഇന്സ്പെക്ടര് പി. ശങ്കറിന്റെ നേതൃത്വത്തില് കൊല്ലം അഞ്ചാലുംമൂട് സികെപി ഭാഗത്ത് നടത്തിയ പരിശോധനയിലാണ് തൃക്കരുവ ഞാറയ്ക്കല് ഏലുമല കായല്വാരം നിസാ മന്സിലില് കെ. നൗഫല് (32), അഞ്ചാലുംമൂട് പന്തിയില് പടിഞ്ഞാറ്റതില് താര നിവാസില് അഖില്ജിത്ത് (28) എന്നിവര് പിടിയിലായത്. വില്പ്പനയ്ക്കായി കടത്തിക്കൊണ്ട് വന്ന 10 ഗ്രാം മെത്താംഫെറ്റാമൈന് ഗുളികയാണ് നൗഫലിന്റെ വീട്ടില് നിന്ന് കണ്ടെടുത്തത്.
എഇഐ ആര്.ജി. വിനോദ്, ഷഹലുദ്ദീന്, ബിനുലാല്, സിഇഒമാരായ ആസിഫ്, പ്രദീഷ്, ജിത്തു, ഡബ്ല്യൂഡിഇഒ ട്രീസ, സിവില് എക്സൈസ് ഓഫീസര് ഡ്രൈവര് സന്തോഷ് കുമാര് എന്നിവരടങ്ങിയ സംഘമാണ് പ്രതികളെ പിടികൂടിയത്.