ഇത്തിക്കരയാറ്റിൽ അധ്യാപകനെ മരിച്ച നിലയിൽ കണ്ടെത്തി

51
Advertisement

ചാത്തന്നൂർ : ഇത്തിക്കരയാറ്റിൽ അധ്യാപകനെ മരിച്ച നിലയിൽ കണ്ടെത്തി. ഓടനാവട്ടം കെ ആർ ജി പി എം എച്ച്എസ്എസ് സ്കൂളിലെ അധ്യാപകൻ പൂയപ്പള്ളി മരുതമൺപള്ളി കൈപ്പള്ളിയഴികത്ത് വീട്ടിൽ പ്രമോദ് ജോൺ (48) ആണ് മരിച്ചത്. ഇന്നലെ
രാവിലെ 9 മണിയോടെയായിരുന്നു സംഭവം. ബൈക്കിൽ ഇത്തിക്കര ആറിന് സമീപം എത്തിയ പ്രമോദ്ജോൺ ഇത്തിക്കര- ഓയൂർ റോഡിലെ ഇത്തിക്കര ചെറിയ പാലത്തിൽ നിന്നും ആറ്റിലേക്ക് ചാടുകയായിരുന്നു. തുടർന്ന് ദൃക് സാക്ഷികൾ ചാത്തന്നൂർ പോലീസിൽ
വിവരം അറിയിച്ചതിനെ തുടർന്ന് ചാത്തന്നൂർ പോലീസ് സ്ഥലത്തെത്തി നാട്ടുകാരുടെ സഹായത്തോടെ നടത്തിയ തെരച്ചിലിൽ പതിനൊന്നു മണിയോടെ മൃതദേഹം കണ്ടെത്തുകയും, പോലീസ് ഇൻക്വസ്റ്റ് നടപടികൾ പൂർത്തിയാക്കി പോസ്റ്റ്മോർട്ടത്തിനായി പാരിപ്പള്ളി മെഡിക്കൽ കോളജ് ആശുപത്രിയിലേക്ക് മാറ്റി. ചാത്തന്നൂർ പോലീസ് കേസെടുത്തു.

Advertisement