കരുനാഗപ്പള്ളി . താലൂക്ക് മർച്ചന്റ് അസോസിയേഷൻ്റെ ഗോൾഡൻ ജൂബിലി ആഘോഷം ഒരു വർഷം നീണ്ടുനിൽക്കുന്ന വിവിധ പരിപാടികളോടെ സംഘടിപ്പിക്കുമെന്ന് സംഘാടകർ വാർത്താ സമ്മേളനത്തിൽ പറഞ്ഞു. 1982ൽ രൂപീകരിച്ച് 50 വർഷം തികയുന്നതിന്റെ ഭാഗമായി വിപുലമായ പരിപാടികൾ സംഘടിപ്പിക്കുവാനാണ് സംഘടന ലക്ഷ്യമെടുന്നത്. പരിപാടികൾക്ക് തുടക്കം കുറിച്ചുകൊണ്ട് ജൂലൈ 17ന് ശ്രീധരീയം കൺവെൻഷൻ സെൻ്ററിൽ ‘കെ സി ബ്രൈറ്റ് സുവർണ്ണ ജ്വാല’ എന്ന പേരിൽ മെഗാ ഇവൻ്റ് സംഘടിപ്പിക്കും. സാമൂഹ്യ സാംസ്കാരിക രംഗത്തെ പ്രമുഖരും വ്യാപാരി വ്യവസായി ഏകോപന സമിതി ഭാരവാഹികളും പരിപാടിയിൽ പങ്കെടുക്കും. പ്രശസ്ത പിന്നണിഗായകൻ അഫ്സൽ നയിക്കുന്ന സംഗീതവിരുന്ന്, യുവസംരംഭകർക്കുള്ള പുരസ്കാരം, വിദ്യാഭ്യാസ അവാർഡ് വിതരണം, കുടുംബസംഗമം തുടങ്ങിയ പരിപാടികളാണ് സുവർണ്ണ ജ്വാലയുടെ ഭാഗമായി സംഘടിപ്പിക്കുന്നത്. രണ്ടായിരത്തോളം പേർ പരിപാടിയിൽ പങ്കെടുക്കുമെന്നും സംഘാടകർ പറഞ്ഞു. പരിപാടിയുടെ പോസ്റ്റർ പ്രകാശനം നഗരസഭ ചെയർമാൻ പടിപ്പുര ലത്തീഫ് നിർവഹിച്ചു. വാർത്താ സമ്മേളനത്തിൽ പ്രസിഡൻ്റ് എസ് സുധീർ ചോയ്സ് ‘ സെക്രട്ടറി രഞ്ജീവ് ശേഖർ, എം അനീസ്, കെ ജെ മേനോൻ, വിജിൽ തുടങ്ങിയവർ പങ്കെടുത്തു.
