Advertisement
കുന്നത്തൂർ: നെടിയവിള ക്ഷേത്രജംഗ്ഷനിൽ നിന്നും പടിഞ്ഞാറെ ജംഗ്ഷനിലേക്ക് പോകുന്ന പഞ്ചായത്ത്‌ റോഡ് മഴക്കാലമായാൽ മലിനജലം നിറഞ്ഞ് യാത്ര ദുഷ്കരമാകുന്നു. നെടിയവിള അംബികോദയം ഹയർ സെക്കന്ററി സ്കൂൾ,ഗവണ്മെന്റ് എൽ പി എസ് എന്നിവിടങ്ങളിൽ പഠിക്കുന്ന കുട്ടികൾ വല്ലാതെ ബുദ്ധിമുട്ടുന്ന അവസ്ഥയാണ്. കുന്നത്തൂർ മൃഗാ ശുപത്രി, തുരുത്തിക്കര, നെടിയവിള പടിഞ്ഞാറെ ജംഗ്ഷൻ തുടങ്ങിയ നിരവധി സ്ഥാപനങ്ങളിലേക്കും സ്ഥലങ്ങളിലേക്കും പോകുന്നവർക്കും പ്രയാസമുണ്ടാക്കുന്ന പ്രശ്നത്തിന് അടിയന്തിരപരിഹാരം ഉണ്ടാക്കണമെന്ന് ആവശ്യപ്പെട്ട് കേരളകോൺഗ്രസ് എം നിയോജകമണ്ഡലം വൈസ്പ്രസിഡന്റ് തോട്ടംജയൻ, മണ്ഡലം പ്രസിഡന്റ്‌ കുന്നത്തൂർ അശ്വനികുമാർ, നിയോജക മണ്ഡലം കമ്മിറ്റി അംഗം ഡി. മുരളീധരൻ എന്നിവർ കുന്നത്തൂർ പഞ്ചായത്ത്‌ സെക്രട്ടറിക്ക് പരാതി നൽകി.
Advertisement
