Advertisement
കല്ലടയാറ്റില്‍ കടുവയുടെ ജഡം കണ്ടെത്തി. കുളത്തൂപ്പുഴ നെടുവണ്ണൂര്‍ കടവ് പതിനഞ്ചേക്കര്‍ ഭാഗത്താണ് കടുവയുടെ ജഡം കണ്ടത്. പ്രദേശത്തെ സ്ത്രീകള്‍ കുളിക്കാനും തുണി കഴുകാനും പോയപ്പോഴാണ് മൂന്നു ദിവസത്തോളം പഴക്കമുള്ള കടുവയുടെ ജഡം കണ്ടത്. പ്രാദേശത്ത് കാട്ടുപോത്ത്, ആന എന്നിവയുടെ ഉപദ്രവം കൊണ്ട് തന്നെ ജനങ്ങള്‍ ഭീതിയില്‍ ആണ്. ഈ സാഹചര്യത്തിലാണ് ഇപ്പോള്‍ കടുവയുടെ സാന്നിധ്യം വ്യക്തമാക്കുന്ന തരത്തില്‍ ജഡം കണ്ടത്. ഇത് പ്രദേശവാസികളില്‍ ഭീതിയുണ്ടാക്കുന്നുണ്ട്.