കൊല്ലം: ശക്തികുളങ്ങര പോലീസ് സ്റ്റേഷന്‍ പരിധിയില്‍ രണ്ട് ക്ഷേത്രങ്ങളിലും ഒരു വീട്ടിലും നടന്ന മോഷണവുമായി ബന്ധപ്പെട്ട് അഞ്ചുപേര്‍ അറസ്റ്റില്‍.
ക്ഷേത്രങ്ങളിലെ മോഷണവുമായി ബന്ധപ്പെട്ട് മോഷണം നടത്തിയ ഒന്നും രണ്ടും പ്രതികളായ ശക്തികുളങ്ങര കന്നിമേല്‍ ചേരിയില്‍ ദേശസേവിനി നഗറില്‍ വിജയ് നിവാസില്‍ ശ്രീജിത്ത് (24), മനയില്‍ കുളങ്ങര ചേരിയില്‍ ജവഹര്‍ നഗര്‍ 101 ല്‍ കണ്ടച്ചേഴത്ത് വീട്ടില്‍ അനന്ദു (25), മോഷണ സാധനങ്ങള്‍ വാങ്ങിയ മൂന്നും നാലും പ്രതികളും ദമ്പതികളുമായ അയത്തില്‍ സ്‌നേഹനഗര്‍ 90 ല്‍ കാവുങ്ങല്‍ കിഴക്കതില്‍ വീട്ടില്‍ നിന്നും പുന്തലത്താഴം ചേരിയില്‍ താമസം സുനില്‍ കുമാര്‍ (52), ഭാര്യ ഗിരിജ (50) എന്നിവരാണ് പിടിയിലായത്.
വീട് കുത്തി തുറന്ന് മോഷണം നടത്തിയ കന്നിമേല്‍ ചേരിയില്‍ പാവൂര്‍ കിഴക്കതില്‍ സൂരജ് (23) അറസ്റ്റിലായി. അറസ്റ്റിലായ പ്രതികളെ കോടതി റിമാന്റ് ചെയ്തു. ശക്തികുളങ്ങര എസ്‌ഐ ആര്‍. സുരേഷ് കൂമാര്‍, ജിഎസ്‌ഐ റസല്‍ ജോര്‍ജ്ജ്, സിപിഒ ബിജു കുമാര്‍ എന്നിവര്‍ ഉള്‍പ്പെട്ട അന്വേഷണസംഘമാണ് പ്രതികളെ അറസ്റ്റ് ചെയ്തത്.
