Advertisement
പത്തനാപുരം: നടപ്പാലം തകര്ന്ന് വീണ് തൊഴിലുറപ്പ് തൊഴിലാളികള്ക്ക് പരിക്കേറ്റു. പിറവന്തൂര് പഞ്ചായത്തില് കിഴക്കേമുറി വാര്ഡില് നാരാങ്ങാപ്പുറത്ത് ഏലാ തോടിന് കുറുകെയുള്ള ചെറിയ പാലമാണ് തകര്ന്നത്. വെള്ളിയാഴ്ച രാവിലെ പത്തിനാണ് സംഭവം.
തോടിന്റെ നവീകരണപ്രവര്ത്തികള് നടന്നുവരികയായിരുന്നു. ഇതിനിടെ മറുകരയിലേക്ക് പോകാനായി തൊഴിലാളികള് പാലത്തിലേക്ക് കയറി.ഒരുമിച്ച് ആളുകള് കയറിയതോടെ പാലം തകര്ന്നു. ആറ് തൊഴിലാളികള് തോട്ടിലേക്ക് വീണ് പരിക്കേറ്റു. ഓടികൂടിയ മറ്റ് തൊഴിലാളികളും നാട്ടുകാരും ചേര്ന്നാണ് തോട്ടില് വീണു കിടന്നവരെ രക്ഷപ്പെടുത്തിയത്.കിഴക്കേമുറി സ്വദേശികളായ രാജി (33), അമ്പിളി (43), ബിന്ദു (45), സത്യഭാമ (65), ബിന്ദു മുളവക്കുളം (45), ഉഷ (45) എന്നിവര്ക്കാണ് പരിക്കേറ്റത്. ഇവരെ പുനലൂര് താലൂക്ക് ആശുപത്രിയില് പ്രവേശിപ്പിച്ചു.
Advertisement
