ശൂരനാട് : ടിപ്പർ ലോറിയെ മറികടക്കാൻ ശ്രമിക്കുന്നതിനിടെ ലോറിയുടെ അടിയിൽപ്പെട്ട സ്കൂട്ടർ യാത്രികൻ മരിച്ചു.
പന്തളം പൂഴിക്കാട് തൊടുകയിൽ പാലത്തടത്തിൽ വീട്ടിൽ ജമാലുദ്ദീൻ (65) ആണ് മരിച്ചത്. കൊല്ലം-തേനി ദേശീയപാതയിൽ ശൂരനാട് അരീക്കൽ കലുങ്കിന് സമീപം വ്യാഴാഴ്ച വൈകിട്ട് 3.30നാണ് അപകടം. മൈനാഗപ്പളളി വേങ്ങയിലുള്ള മകളുടെ വീട്ടിൽ പോയശേഷം തിരികെ സ്കൂട്ടറിൽ വരികയായിരുന്നു ജമാലുദീൻ. അതേദിശയിൽ പോയ ടിപ്പർ ലോറിയെ മറികടക്കുന്നതിനിടെ
എതിർവശത്തുനിന്നും കാർ വരുന്നത് കണ്ട് സ്കൂട്ടർ ലോറിയുടെ ഭാഗത്തേക്ക് ചേർത്തപ്പോഴാണ് അപകടം.
ലോറിയുടെ പിൻ ചക്രം ജമാലുദീൻ്റെ തലയിലൂടെ കയറിയിറങ്ങി തത്ക്ഷണം മരിച്ചു. ശൂരനാട് പോലിസും നാട്ടുകാരും മൃതദേഹം ചേർന്ന് ശാസ്താംകോട്ട താലൂക്ക് ആശുപത്രിയിലേക്ക് മാറ്റി. ജമാലുദ്ദീന് നേരത്തെ മത്സ്യക്കച്ചവടമായിരുന്നു. ഭാര്യ: ഫാത്തിമാ ബീവി.
മക്കൾ: അബ്ദുൽ കരീം, ഖദീജ ബീവി
മരുമക്കൾ:മരുമക്കൾ: അഫ്സാന, ഷാജഹാൻ
