Advertisement
കൊല്ലം: വില്‍പനയ്ക്കായി കഞ്ചാവ് കടത്തിയ കേസില്‍ പ്രതിയ്ക്ക് അഞ്ചുവര്‍ഷം കഠിന തടവും 50,000 രൂപ പിഴയും ശിക്ഷ. ഓച്ചിറ മേമന കാരലില്‍ തറവീട്ടില്‍ അരുണ്‍ കൃഷ്ണനെ(34)യാണ് കൊല്ലം ഫസ്റ്റ് അഡി. ജില്ലാ സെഷന്‍സ് ജഡ്ജി പി.എന്‍ വിനോദ് ശിക്ഷിച്ചത്.
2022 ഏപ്രില്‍ 24ന് രാത്രി 10നാണ് ഓച്ചിറ മേമന ജങ്ഷനില്‍ 2.2 കിലോ കഞ്ചാവുമായി പ്രതി, കൊല്ലം എക്സൈസ് എന്‍ഫോഴ്സ്മെന്റ്് ആന്‍ഡ് നാര്‍കോട്ടിക് സ്‌ക്വാഡ് സ്പെഷല്‍ സ്‌ക്വാഡിന്റെ പിടിയിലായത്. എക്സൈസ് സര്‍ക്കിള്‍ ഇന്‍സ്പെക്ടര്‍ ജി. കൃഷ്ണകുമാറാണ് കേസ് അന്വേഷിച്ച് കുറ്റപത്രം സമര്‍പ്പിച്ചത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടര്‍ അഡ്വ. സിസിന്‍ ജി. മുണ്ടയ്ക്കല്‍ ഹാജരായി. ഗ്രേഡ് പ്രിവന്റിവ് ഓഫിസര്‍ രാജഗോപാലന്‍ ചെട്ടിയാര്‍ പ്രോസിക്യൂഷന് സഹായിയായിരുന്നു.
Advertisement
