കൊല്ലം എക്സൈസ് എൻഫോഴ്സ്മെന്റ് ആൻഡ് ആന്റി നാർകോട്ടിക്ക് സ്പെഷ്യൽ സ്ക്വാഡ് എക്സൈസ് ഇൻസ്പെക്ടർ ദിലീപ് സി.പി യുടെ നേതൃത്വത്തിൽ നടത്തിയ പരിശോധനയിൽ കഞ്ചാവും ഹെറോയിനും പിടികൂടി. ഉമയനല്ലൂർ, പള്ളിമണിയിൽ നടത്തിയ പരിശോധനയിൽ 1.415 കിലോഗ്രാം ഗഞ്ചാവ്, 3 ഗ്രാം ഹെറോയിൻ എന്നിവ കൈവശം വച്ചതിന് പശ്ചിമബംഗാൾ ദക്ഷിണ് ദിനാജ്പൂർ സ്വദേശി അനോവർ ഹൊസൈൻ(31) എന്നയാളെയും, പള്ളിമണി ഭാഗത്ത് നടത്തിയ പരിശോധനയിൽ 7.673 കിലോഗ്രാം ഗഞ്ചാവ് കൈവശം വച്ച് കൈകാര്യം ചെയ്ത കുറ്റത്തിന് കൊല്ലം പള്ളിമൺ പണയിൽ വീട്ടിൽ സംഗീത് (36 ) നെയും അറസ്റ്റ് ചെയ്‌ത്‌ കേസെടുത്തു. കഞ്ചാവ് സൂക്ഷിച്ചിരുന്ന സ്കൂട്ടറും കസ്റ്റഡിയിൽ എടുത്തു. പരിശോധനയിൽ പ്രിവന്റീവ് ഓഫീസർ പ്രസാദ്‌കുമാർ ജെ ആർ,, സിവിൽ എക്സൈസ് ഓഫീസർമാരായ അജിത്.ബി.എസ്, അനീഷ്.എം.ആർ, ജൂലിയൻ ക്രൂസ്, ജോജോ.ജെ, ബാലു എസ് സുന്ദർ, സൂരജ്.പി, അഭിരാം എച്ച് വനിതാ സിവിൽ എക്സൈസ് ഓഫിസർ വർഷ വിവേക് സിവിൽ എക്സൈസ് ഓഫിസർ ഡ്രൈവർ സുഭാഷ്.എസ്.കെ എന്നിവർ പങ്കെടുത്തു.
