ഓച്ചിറ: ക്രമസമാധാനം നിലനിർത്തേണ്ട പോലീസ് അത് തകർക്കാൻ ശ്രമിക്കരുതെന്ന് സി.ആർ മഹേഷ് എം എൽ എ അഭിപ്രായപ്പെട്ടു. സാമൂഹിക സാമുദായിക അന്തരീക്ഷം മോശ മാകുന്ന തരത്തിലുള്ള വാക്പ്രയോഗം ഓച്ചിറ സി എച്ച് ഒ പിൻവലിക്കണമെന്നും മഹേഷ് ആവശ്യപ്പെട്ടു.
തഴവ സർവ്വീസ് സഹകരണ ബാങ്ക് തെരഞ്ഞെടുപ്പുമായി ബന്ധപ്പെട്ട് ഓച്ചിറ സി എച്ച്.ഒ സുജാതൻപിള്ള കോൺഗ്രസ് കരുനാഗപ്പള്ളി ബ്ലോക്ക് പ്രസിഡൻ്റ് അഡ്വ. കെ.എ ജവാദിനോട് അപമര്യാദയായി പെരുമാറിയതിൽ പ്രതിഷേധിച്ച് ഓച്ചിറ ,കരുനാഗപ്പള്ളി ബ്ലോക്ക് കോൺഗ്രസ് കമ്മിറ്റി സംഘടിപ്പിച്ച ഓച്ചിറ പോലീസ് സ്റ്റേഷൻ മാർച്ച് ഉദ്ഘാടനം ചെയ്ത് സംസാരിക്കുകയായിരുന്നു. യുഡിഎഫ് ജില്ലാ ചെയർമാൻ കെ. സി. രാജൻ മുഖ്യ പ്രഭാഷണം നടത്തി
ബ്ലോക്ക് പ്രസിഡൻ്റ് ബി.എസ്. വിനോദ് അദ്ധ്യക്ഷത വഹിച്ചു.
ആർ. രാജശേഖരൻ, എം. അൻസാർ ചിറ്റുമൂല നാസർ മുനമ്പത്ത് വഹാബ്, ബിജു പാഞ്ചജന്യം
ബോബൻ ജിനാഥ്, അഡ്വ. എം.എ ആസാദ്, പാവുമ്പാ അനിൽകുമാർ , മീരാസജി, മായാ സുരേഷ് ആർ. എസ്. കിരൺ ,എൻ. കൃഷ്ണകുമാർ തുടങ്ങിയവർ സംസാരിച്ചു.
