Advertisement
പുനലൂര്‍: കല്ലടയാറ്റില്‍ ചാടിയ യുവാവിനെ ഫയര്‍ഫോഴ്‌സ് സംഘം രക്ഷപ്പെടുത്തി. അഞ്ചല്‍ ആലപ്പന്നട സ്വദേശി വിഷ്ണു (25) ആണ് വെള്ളിയാഴ്ച പകല്‍ 11-ഓടെ കല്ലടയാറിന് സമാന്തരമായുള്ള വലിയ പാലത്തില്‍ നിന്നും ആറ്റിലേക്ക് ചാടിയത്. ഒഴുക്കില്‍പ്പെട്ട വിഷ്ണു പാലത്തിന്റെ തൂണുകളില്‍ പിടിച്ചു കിടക്കുകയായിരുന്നു. സംഭവം അറിഞ്ഞെത്തിയ പോലീസ് ഫയര്‍ഫോഴ്‌സിനെ വിവരം അറിയിക്കുകയും ഇവരെത്തി വിഷ്ണുവിനെ കരക്കെത്തുകയുമായിരുന്നു.
അവശനായ യുവാവിനെ ഉടന്‍തന്നെ പുനലൂര്‍ താലൂക്ക് ആശുപത്രിയില്‍ എത്തിച്ച് പ്രാഥമിക ചികിത്സ നല്‍കിയശേഷം തിരുവനന്തപുരം മെഡിക്കല്‍ കോളേജിലേക്ക് മാറ്റി.
Advertisement
