തൃശൂര്: ജിംനേഷ്യത്തിന്റെയും ബ്യൂട്ടി സലൂണിന്റെയും മറവില് ലഹരിവില്പ്പന നടത്തിയ യുവതി പിടിയില്. തൃപ്രയാറിലെ ജിംനേഷ്യത്തില് ജോലി ചെയ്ത് വരുന്ന പെരിങ്ങോട്ടുകര താന്ന്യം സ്വദേശി ചിറയത്ത് വീട്ടില് ശ്രീലക്ഷ്മി (30) ആണ് അറസ്റ്റിലായത്. വന്തോതില് ലഹരിമരുന്ന് വില്പന നടത്തിയിരുന്ന യുവതിയെ തൃശ്ശൂര് റൂറല് പൊലീസാണ് അറസ്റ്റ് ചെയ്തത്.
ഇവരില് നിന്ന് 2.270 കിലോഗ്രാം ഹാഷിഷ് ഓയില് പിടിച്ചെടുത്തു. കൂടാതെ മയക്ക് മരുന്ന് വില്പ്പന നടത്തി അനധികൃതമായി സമ്പാദിച്ച 90500/ രൂപയും, ഹാഷിഷ് ഓയില് ചില്ലറ വില്പ്പന നടത്താനായി ഉപയോഗിക്കുന്ന് 50 ഒഴിഞ്ഞ ചെറിയ പ്ലാസ്റ്റിക് ബോട്ടിലുകളും പിടിച്ചെടുത്തു.
കരയാമുട്ടം സൊസൈറ്റിക്ക് സമീപമുള്ള വാടകവീട്ടില് വെച്ചാണ് തൃശ്ശൂര് റൂറല് ജില്ലാ പൊലീസ് മേധാവിയുടെ നേതൃത്വത്തിലുള്ള ഡാന്സാഫ് സംഘവും വലപ്പാട് പൊലീസും ചേര്ന്ന് പ്രതിയെ പിടികൂടിയത്.
Also Read:
