തിരുവനന്തപുരം. വയനാട് ടൗണ്ഷിപ്പ് സന്ദര്ശന വേളയില് ഉണ്ടായസംഭവ വികാസങ്ങളില് നടന് മമ്മുട്ടിയോട് പരസ്യമായിക്ഷമാപണം നടത്തി മുഖ്യമന്ത്രി പിണറായി വിജയന്. മനസ്സിന് പ്രയാസം ഉണ്ടായിട്ടുണ്ടെങ്കില് ക്ഷമ ചാദിക്കുകയാണെന്ന് തിരുവനന്തപുരം ജനറല് ആശുപത്രി ബഹുനില മന്ദിരത്തിന്റെ ഉദ്ഘാടനച്ചടങ്ങില് മുഖ്യമന്ത്രി പറഞ്ഞു. സിപിഐഎം ജില്ലാ സെക്രട്ടറി കെ റഫീഖിനെ അപമാനിച്ചെന്നാരോപിച്ച് സിപിഐഎം സൈബര് സംഘങ്ങള് രൂക്ഷമായ വിമര്ശനമായിരുന്നു മുഖ്യമന്ത്രിക്കെതിരെ ഉന്നയിച്ചിരുന്നത്
തിരുവനന്തപുരം ജനറല് ആശുപത്രിയുടെ മന്ദിരത്തിന്റെ ഉദ്ഘാടന വേളയിലായിരുന്നു പ്രസംഗം. മമ്മുട്ടി ടൗണ്ഷിപ്പില് എത്തിയതിനെ മുഖ്യമന്ത്രി പ്രകീര്ത്തിച്ചു. ടൗണ്ഷിപ്പിലെത്തിയതിനെ തുടര്ന്നുണ്ടായ സംഭവങ്ങള് വിവാദമായതില് വിമര്ശനം. മമ്മുട്ടിയെ സൈബറിടത്തില് ആക്രമിച്ച സിപിഐഎം സോഷ്യല്മീഡിയ പോരാളികളെ എടുത്ത് പറഞ്ഞു മുഖ്യമന്ത്രി. ഒടുവില് പരസ്യമായി മാപ്പ് ചോദിച്ചു
കഴിഞ്ഞ ദിവസമായിരുന്നു മമ്മുട്ടിയുടെ ടൗണ്ഷിപ്പ് സന്ദര്ശനം. ഈ ഘട്ടത്തില് സിപിഐഎം ജില്ലാ സെക്രട്ടറി കെ റഫീഖിനോട് മാറി നില്ക്കാന് മമ്മുട്ടി ആവശ്യപ്പെടുന്ന ദൃശ്യം പുറത്തുവന്നതോടെയായിരുന്നുവിവാദം. സിപിഐഎം സൈബര് പ്രൊഫൈലുകള് മമ്മുട്ടിയെ ആക്രമിക്കുകയാണുണ്ടായത്. തുടര്ന്ന് മമ്മുട്ടി റഫീഖിനെ ഫോണില് വിളിച്ചു. ഇതിന് പിന്നാലെ വിവാദങ്ങള് അവസാനിപ്പിക്കണമെന്നാവശ്യപ്പെട്ട് റഫീഖ് ഫേസ്ബുക്ക് പോസ്റ്റ് ഇട്ടിട്ടും സൈബര് ആക്രമണം തുടര്ന്നു. മുഖ്യമന്ത്രിയുടെ പരസ്യമായ മാപ്പപേക്ഷയോടെ സിപിഐഎം സൈബറണികള് അടങ്ങിയേക്കും….
