Advertisement
കോഴിക്കോട്. വലിയങ്ങാടി കെട്ടിട അപകടത്തിൽ മരിച്ച മൂന്നുപേരുടെ സംസ്കാരം ഇന്ന്. കൊയിലാണ്ടി തിരുവങ്ങൂർ സ്വദേശി വിനോദ്, അത്തോളി സ്വദേശികളായ ബഷീർ, അഷറഫ് എന്നിവരുടെ സംസ്കാരമാണ് ഇന്ന് നടക്കുക. കിണാശ്ശേരി സ്വദേശി അബ്ദുൽ ജബ്ബാറിന്റെ സംസ്കാരം ഇന്നലെ രാത്രി നടന്നു.
മരിച്ചവർക്ക് ആദരസൂചകമായി വലിയങ്ങാടിയിലെ കടകൾ ഇന്ന് അടച്ചിടും. കോർപ്പറേഷൻ പൊളിക്കാൻ തീരുമാനിച്ചാൽ കെട്ടിടത്തിന്റെ സൺഷൈഡും കോൺക്രീറ്റുഭീമും തകർന്നു വീണാണ് അപകടം ഉണ്ടായത്. ഇതിന്റെ പശ്ചാത്തലത്തിൽ നഗരത്തിൽ കാലപ്പഴക്കം ചെന്ന കെട്ടിടങ്ങളുടെ കണക്ക് മൂന്ന് ദിവസത്തിനുള്ളിൽ എടുക്കും. സ്വകാര്യ കെട്ടിടങ്ങളുടെ കണക്ക് 10 ദിവസത്തിനുള്ളിൽ ശേഖരിക്കുമെന്നും കോർപറേഷൻ സൂപ്രണ്ട് എൻജിനീയർ അറിയിച്ചു. അപകടത്തിൽ പ്രതിഷേധിച്ച് ബിജെപി പ്രതിഷേധമാർച്ച് ഇന്ന് രാവിലെ കോർപറേഷനിലേക്ക്.
Advertisement
