Advertisement
അടൂർ. കെഎസ്ആർടിസി ഡിപ്പോയിലെ യാർഡിന്റെ കോൺക്രീറ്റ് വർക്കുകൾ ആരംഭിക്കുന്നതിനാൽ 25/02/26 മുതൽ 20/03/26 വരെ ഡിപ്പോയിലേക്ക് ഉള്ള പ്രവേശനം നിരോധിച്ചിരിക്കുന്നു. ഫാസ്റ്റ് പാസഞ്ചർ ഉൾപ്പെടെ ദീർഘ ദൂരബസുകൾ ബസ് സ്റ്റേഷനിലേക്ക് പ്രവേശിക്കുന്ന കവാടത്തിന് സമീപം നിർത്തി യാത്രക്കാരെ കയറ്റി ഇറക്കിയ ശേഷം സർവീസ് തുടരേണ്ടതാണ്.
തിരുവനന്തപുരം ഭാഗത്തേക്കുള്ള ബസുകൾ തോംസൺ ബേക്കറിയുടെ മുൻ വശത്തായും, കോട്ടയം ഭാഗത്തേക്കുള്ള ബസുകൾ ഡിപ്പോയുടെ പ്രവേശന കവാടത്തിന് മുൻപിലായും നിർത്തി യാത്രക്കാരെ കയറ്റി ഇറക്കി സർവ്വീസ് നടത്തേണ്ടതാണ്. അടൂർ വരെ വരുന്ന ഓർഡിനറി ബസുകൾ മാത്രം സ്റ്റാൻറ്റിൽ പ്രവേശിച്ച് അപ്പോൾ തന്നെ യാത്ര ആരംഭിക്കേണ്ടതാണ്. ബസ് സ്റ്റേഷനിൽ യാതൊരു വിധത്തിലും പാർക്കിംഗ് അനുവദിക്കുന്നതല്ല .
Advertisement
