ശബരിമലയിൽ മകരവിളക്ക് ഇന്ന്. മകരവിളക്കിനോടനുബന്ധിച്ച് സന്നിധാനത്ത് വൻ ഭക്തജന തിരക്കാണ് അനുഭവപ്പെടുന്നത്. സന്നിധാനത്തും പരിസരപ്രദേശങ്ങളിലും അടക്കം പർണ്ണശാലകൾ കെട്ടി തീർത്ഥാടകർ തമ്പടിച്ചിരിക്കുകയാണ്. ഇന്ന് 35000 തീർത്ഥാടകർക്കു മാത്രമാണ് ദർശനത്തിന് അനുമതിയുള്ളൂ. രാത്രി വൈകിയും അയ്യപ്പന്മാർ കൂട്ടമായി മല ചവിട്ടി .
പന്തളത്തുനിന്ന് പുറപ്പെട്ട തിരുവാഭരണ ഘോഷയാത്ര ഇന്ന് വൈകിട്ട് ആറുമണിയോടെ സന്നിധാനത്ത് എത്തിച്ചേരും. തുടർന്ന് അയ്യപ്പ വിഗ്രഹത്തിൽ തിരുവാഭരണം ചാർത്തി ദീപാരാധന നടക്കും. ഇതിനുശേഷമായിരിക്കും പൊന്നമ്പലമേട്ടിൽ മകരവിളക്ക് നടക്കുക. കനത്ത സുരക്ഷാ സംവിധാനമാണ് പോലീസ് മകരവിളക്കി നോടനുബന്ധിച്ച് ഒരുക്കിയിട്ടുള്ളത്. മകരവിളക്ക് ദർശനം നടത്താൻ പ്രത്യേകം പോയിന്റുകൾ പോലീസ് സജീകരിച്ചു നൽകിയിട്ടുണ്ട്. പോലീസിനെ കൂടാതെ അർദ്ധസൈനിക വിഭാഗവും സുരക്ഷയ്ക്കായി സന്നിധാന പമ്പയിലും എത്തിയിട്ടുണ്ട്.
