Advertisement
തിരുവനന്തപുരം: ഉള്ളൂരില് ആനപ്പാപ്പാന് മദ്യലഹരിയില് ആനയെ ക്രൂരമായി മര്ദ്ദിക്കുന്നതിന്റെ ദൃശ്യങ്ങള് പുറത്ത്. സംഭവത്തില് പാപ്പാനെതിരെ പരാതി നല്കി. തിരുവിതാംകൂര് ദേവസ്വം ബോര്ഡിലെ ആനയായ ഉള്ളൂര് കാര്ത്തികേയനാണ് മര്ദനമേറ്റത്.
മദപ്പാടിലുള്ള ആനയെ നിരന്തരം പാപ്പാന് മദ്യപിച്ച് ആക്രമിക്കാറുണ്ടെന്ന് നാട്ടുകാര് പറഞ്ഞു. സബ് ഗ്രൂപ്പ് ഓഫീസര്ക്കും പൊലീസിനും വനംവകുപ്പിനും പൗരസമിതി പരാതി നല്കി. പാപ്പാന് ആനയെ മര്ദിക്കുന്നതിന്റെ ദൃശ്യങ്ങള് പകര്ത്തി, അതും ചേര്ത്താണ് പരാതി നല്കിയിരിക്കുന്നത്.
Advertisement
