Advertisement
തിരുവനന്തപുരം. സംസ്ഥാനത്തെ എസ്ഐആർ നടപടികൾ വീണ്ടും നീട്ടി മുഖ്യ തിരഞ്ഞെടുപ്പ് കമ്മീഷൻ. തിരഞ്ഞെടുപ്പ് കമ്മീഷന്റെ പുതിയ തീരുമാനപ്രകാരം എന്യൂമറേഷൻ ഫോമുകൾ ഈ മാസം 18 വരെ നൽകാം.
കരട് വോട്ടർ പട്ടിക 23ന് പ്രസിദ്ധീകരിക്കും.അന്തിമ വോട്ടർപട്ടിക പ്രസിദ്ധീകരണം ഫെബ്രുവരി 21ന് ആയിരിക്കും.ഒരാഴ്ച നീട്ടണമെന്ന സർക്കാർ ആവശ്യം അംഗീകരിച്ചാണ് കമ്മീഷൻ്റെ തീരുമാനം. തദ്ദേശ തെരഞ്ഞെടുപ്പ് സാഹചര്യത്തിൽ എനുമറേഷൻ ഫോം സമർപ്പിക്കാനുള്ള അവസാന തീയതി ഒരാഴ്ചയോ അതിൽ കൂടുതൽ ആവശ്യമെങ്കിൽ സംസ്ഥാന സർക്കാരിനോട് തെരഞ്ഞെടുപ്പ് കമ്മീഷന് നിവേദനം നൽകാൻ സുപ്രീംകോടതി നിർദ്ദേശിച്ചിരുന്നു. സംസ്ഥാന സർക്കാരിന്റെ നിവേദനത്തിൽ അനുഭാവപൂർവ്വം തീരുമാനമെടുക്കാൻ തെരഞ്ഞെടുപ്പ് കമ്മീഷനോടും കോടതി പറഞ്ഞിരുന്നു.ഇതിന് പിന്നാലെയാണ് പുതിയ തീരുമാനം.
Advertisement
