തിരുവനന്തപുരം: സാൽവേഷൻ ആർമി സംസ്ഥാന പേഴ്സണൽ സെക്രട്ടറി ലെഫ്. കേണൽ. ജോസ് പി മാത്യു ശ്രീലങ്കയിലെ സാൽവേഷൻ ആർമി ട്രെയിനിംഗ് കോളജ് പ്രിൻസിപ്പൽ , ബിസിനസ് ഓഫീസർ ഓഫ് സാൾട്ട് (സൗത്ത് ഏഷ്യാ )എന്നീ തസ്തികകളിൽ നിയമമിതനായി. സംസ്ഥാന ഭവന സംഘ സെക്രട്ടറി ലെഫ്. കേണൽ ആലീസ് ജോസ് സ്പിരിച്വൽ ലൈഫ് ഡെവലപ്മെൻ്റ് സെക്രട്ടറിയാകും. കവടിയാർ സംസ്ഥാന മുഖ്യസ്ഥാനത്ത് സംസ്ഥാനാധിപൻ കേണൽ പ്രകാശ് ചന്ദ്ര പ്രധാൻ നിയമന വിവരം പ്രഖ്യാപിച്ചു.2026 ജനുവരി 15ന് ഇരുവരും ചുമതലയേൽക്കും.2002 ൽ ക്രോസ് ബിയറേഴ്സ് സെഷനിൽ കവടിയാർ സാൽവേഷൻ ആർമി ഓഫീസേഴ്സ് ട്രെയിനിംഗ് കോളജിൽ പഠനം പൂർത്തീകരിച്ച ശേഷം മദ്രാസ് ഗുരുകുൽ തിയോളജിക്കൽ കോളജിൽ നിന്ന് ദൈവശാസ്ത്രത്തിൽ ബിരുദം നേടിയ ജോസ് പി മാത്യു ടെറിട്ടോറിയൽ യൂത്ത് സെക്രട്ടറി,
എജുക്കേഷൻ ഓഫീസർ, അസി. ട്രയിനിംഗ് പ്രിൻസിപ്പൽ
എഡിറ്റർ ,സീനിയർ ട്രെയിനിംഗ് ഓഫീസർ,
സാൽവേഷൻ ആർമി ഓഫീസേഴ്സ് ട്രെയിനിംഗ് കോളജിൻ്റെ പ്രിൻസിപ്പൽ, കൊട്ടാരക്കര ഡിവിഷണൽ കമാൻഡർ എന്നീ ചുമതലകൾ വഹിച്ചിട്ടുണ്ട്.
എഡ്യൂക്കേഷൻ ഓഫീസർ, വിമൻസ് ഡെവലപ്പ്മെൻ്റ് ഓഫീസർ, ഡിവിഷണൽ ഡയറക്ടർ ഓഫ് വിമൻസ് മിനിസ്ട്രി എന്നീ ചുമതലകളിൽ കേണൽ ആലീസ് ജോസ് പ്രവർത്തിച്ചിട്ടുണ്ട്.
അടൂർ സ്വദേശികളാണ് ഇരുവരും. അഡ്വ.സെഫി ഗ്രെയ്സ് ജോസ് മകളാണ്.
