ഗുണ്ടല്പേട്ട: കര്ണാടക ബേഗൂരില് മലയാളികള് സഞ്ചരിച്ച കാര് അപകടത്തില്പെട്ട് രണ്ട് പേര് മരിച്ചു. വയനാട് കമ്പളക്കാട് സ്വദേശികളായ കുടുംബം സഞ്ചരിച്ച കാറില് ടോറസ് ലോറി ഇടിച്ചാണ് അപകടം. കമ്പളക്കാട് കരിഞ്ചേരി അബ്ദുല് ബഷീര് (54), സഹോദരിയുടെ മകന്റെ ഭാര്യ ജഫീറ (28) എന്നിവരാണ് മരണപെട്ടത്. സഹായത്രികരായ ബഷീറിന്റെ സഹോദരിയുടെ മകനും മരണപെട്ട ജഫീറെയുടെ ഭര്ത്താവുമായ മുഹമ്മദ് ഷാഫി, ഷാഫിയുടെ മകന് ഹൈസം ഹാനാന് (1), ബഷീറിന്റെ ഭാര്യ നസീമ എന്നിവരെ മൈസൂര് മാണിപ്പാല് ആശുപത്രിയില് പ്രവേശിപ്പിച്ചു. ഇന്ന രാവിലെ പത്ത് മണിയോടെയാണ് അപകടമുണ്ടായത്. അഞ്ച് പേരാണ് കാറിലുണ്ടായിരുന്നത്. വിദേശ സന്ദര്ശനം കഴിഞ്ഞു ബാംഗ്ലൂര് വിമാനത്താവളത്തില് ഇറങ്ങി നാട്ടിലേക്ക് തിരികെ വരുന്നതിനിടെയാണ് അപകടം. മരണപെട്ടവരുടെ പോസ്റ്റ് മോര്ട്ടം നടപടികള് ബേഗുര് സര്ക്കാര് ആശുപത്രിയില് നടന്നു.
