സംസ്ഥാനത്തിന് ഇടത്തരം മഴയ്ക്ക് സാധ്യത.വടക്കൻ കേരളത്തിൽ ഒറ്റപെട്ട
ശക്തമായ മഴ തുടരാനും സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. കനത്ത മഴയ്ക്ക് നേരിയ കുറവുണ്ടാകാൻ സാധ്യതയെന്നാണ് പ്രവചനം.കണ്ണൂർ കാസർഗോഡ് ജില്ലകളിൽ യെല്ലോ അലർട്ട് പ്രഖ്യാപിച്ചു.മലയോരമേഖലകളിൽ ജാഗ്രത തുടരണം.മഴയ്ക്കൊപ്പം ശക്തമായ കാറ്റിനും ഇടിമിന്നലിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം.
കേരള കർണാടക ലക്ഷദ്വീപ് തീരങ്ങളിൽ മത്സ്യബന്ധനത്തിന് ഏർപ്പെടുത്തിയ വിലക്ക് തുടരും.അറബികടലിൽ തീവ്ര ന്യുന മർദ്ദം തുടരുന്നു. ബംഗാൾ ഉൾക്കടലിൽ ചുഴലിക്കാറ്റ് സാധ്യത.തെക്ക് കിഴക്കൻ ബംഗാൾ ഉൾകടലിൽ രൂപപ്പെട്ട ന്യുന മർദ്ദം നാളെയോടെ തീവ്ര ന്യുന മർദ്ദമായും ഞായറാഴ്ചയോടെ അതി തീവ്ര ന്യൂന മർദ്ദമായും ശക്തി പ്രാപിച്ച് തിങ്കളാഴ്ച യോടെ ചുഴലിക്കാറ്റായി മാറാനും സാധ്യത. തായ്ലൻഡ് നൽകിയ മൺത എന്ന പേരിലായിരിക്കും ചുഴലിക്കാറ്റ് അറിയപ്പെടുക.
