Advertisement
കരുനാഗപ്പള്ളി മാളിയേക്കൽ ഭാഗത്ത് വിദ്യാർത്ഥിനി ട്രെയിൻ തട്ടി മരിച്ചു. കൊല്ലം സ്വദേശിനിയായ ഗാർഗി ദേവിയാണ് മരിച്ചത്. ഇന്ന് രാവിലെ ഒമ്പതേകാലോടെയായിരുന്നു അപകടം. ട്രാക്കിനോട് ചേർന്ന് നടക്കുമ്പോൾ കൊല്ലം മെമു കടന്നു പോകുമ്പോഴായിരുന്നു അപകടം. കരുനാഗപ്പള്ളി ഐഎച്ച്ആർഡി മോഡൽ പോളിടെക്നിക്ക് കോളേജിലെ രണ്ടാം വർഷ കമ്പ്യൂട്ടർ എൻജിനീയറിങ് വിദ്യാർത്ഥിനിയായിരുന്നു. ഹെഡ് സെറ്റ് ഉപയോഗിച്ച് ട്രാക്കിന് സമീപത്തുകൂടെ നടക്കുമ്പോൾ അപകടം സംഭവിച്ചതാകാം എന്നാണ് പോലീസ് കരുതുന്നത്. എന്നാൽ അപകടം എങ്ങനെ സംഭവിച്ചു എന്ന് സ്ഥിരീകിരക്കേണ്ടതുണ്ട്. മൃതദേഹം കരുനാഗപ്പള്ളി താലൂക്ക് ആശുപത്രിയിലേക്ക് മാറ്റി. കരുനാഗപ്പള്ളി പോലീസ് കേസ് റജിസ്റ്റർ ചെയ്ത് അന്വേഷണം ആരംഭിച്ചു.
Advertisement
