തിരുവനന്തപുരം: കളരിപ്പയറ്റും സ്കൂള് ഒളിമ്പിക്സില് ഉള്പ്പെടുത്തി. ദേശീയ ഗെയിംസില് കളരിപ്പയറ്റ് മത്സരയിനമായി നിലനിര്ത്താന് ഇന്ത്യന് ഒളിമ്പിക് അസോസിയേഷന് തയ്യാറാകാത്ത സാഹചര്യത്തില് ഒളിമ്പിക്സ് മാതൃകയില് നടത്തുന്ന സംസ്ഥാന സ്കൂള് കായികമേളയില് കളരി മത്സരയിനമായി ഉള്പ്പെടുത്തുമെന്ന് നേരത്തെ പ്രഖ്യാപിച്ചിരുന്നു. ആ വാക്ക് പാലിക്കുന്നതായും തിരുവനന്തപുരത്ത് നടക്കുന്ന സംസ്ഥാന സ്കൂള് കായികമേളയില് കളരിപ്പയറ്റ് മത്സരയിനമായി ഉണ്ടാകുമെന്നും വിദ്യാഭ്യാസ മന്ത്രി വി. ശിവന്കുട്ടി ഉറപ്പ് നല്കി.
സ്കൂള് ഒളിമ്പിക്സില് അണ്ടര് 17, അണ്ടര് 19 കാറ്റ?ഗറികളില് മൂന്ന് ഇനങ്ങളിലാണ് കളരിപ്പയറ്റ് മത്സരം നടത്തുക. ചുവടുകള്(വ്യക്തിഗതം), മെയ് പയറ്റ് (വ്യക്തിഗതം), നെടുവടിപയറ്റ് ( രണ്ട് പേരടങ്ങുന്ന സംഘം) എന്നീ ഇനങ്ങളിലാണ് മത്സരം നടക്കുക. ജില്ലാതല മത്സരങ്ങള് ഒക്ടോബര് 20ന് മുമ്പ് നേരിട്ട് നടത്തി പൂര്ത്തിയാക്കണം. ജില്ലായില് നിന്ന് നേരിട്ട് സസ്ഥാന തല മത്സരത്തില് പങ്കെടുക്കാം. മത്സരത്തിന് sports.kite.kerala.gov.in വെബ്സൈറ്റ് വഴി രജിസ്റ്റര് ചെയ്യാം. വെബ്സൈറ്റില് രജിസ്റ്റര് ചെയ്യുമ്പോള് ലഭിക്കുന്ന യോഗ്യതാ സര്ട്ടിഫിക്കറ്റുമായി ആണ് മത്സര സമയം രജിസ്ട്രേഷനായി എത്തേണ്ടത്.
കളരിപ്പയറ്റ് ഉള്പ്പെടെ സ്കൂള് ഒളിമ്പിക്സില് ഇത്തവണ മുതല് പുതിയ മൂന്ന് മൂന്നിനങ്ങള് കൂടി ഉള്പ്പെടുത്തി. ഫെന്സിംഗ്, യോഗ മത്സരങ്ങളാണ് ഉള്പ്പെടുത്തിയ മറ്റ് മത്സരങ്ങള്. ഫെന്സിംഗ് അണ്ടര് 14, 17 , യോഗ അണ്ടര് 14, 17 എന്നീ വിഭാ?ഗം മത്സരങ്ങളായിരിക്കും നത്തുക. സ്കൂള് ?ഗെയിം ഫെഡറേഷന് ഓഫ് ഇന്ത്യ നിഷ്കര്ഷിച്ചിരിക്കുന്ന നിയമാവലി അനുസരിച്ചായിരിക്കും മത്സരങ്ങള് നടത്തുക.
