Advertisement
ശബരിമല: തുലാമാസ പൂജയ്ക്കായി ശബരിമല നട നാളെ തുറക്കും. വൈകിട്ട് നാലിന് തന്ത്രി കണ്ഠര് മഹേഷ് മോഹനരുടെ സാന്നിധ്യത്തിൽ മേൽശാന്തി അരുൺകുമാർ നമ്പൂതിരിയാണ് നട തുറക്കുക. ശനി രാവിലെ അഞ്ചിന് ദർശനം ഉണ്ടാകും.
ശബരിമല, മാളികപ്പുറം മേൽശാന്തി നറുക്കെടുപ്പും സന്നിധാനത്ത് നടക്കും. 22ന് രാഷ്ട്രപതി ദ്രൗപതി മുർമു ശബരിമല ദർശനം നടത്തും. പകൽ 11ന് ഹെലികോപ്റ്റർ മാർഗം നിലക്കലിലെത്തുന്ന രാഷ്ട്രപതി അവിടെനിന്ന് കാറിൽ പന്പയിലെത്തും. പന്പ ഗണപതി ക്ഷേത്രത്തിൽ ഇരുമുടിക്കെട്ട് നിറച്ച് ദേവസ്വം ബോർഡിന്റെ ഗൂർഖ വാഹനത്തിൽ സന്നിധാനത്തേക്ക് തിരിക്കും.
രാഷ്ട്രപതിയെ വരവേൽക്കാൻ തിരുവിതാംകൂർ ദേവസ്വം ബോർഡ് ഒരുക്കങ്ങൾ ആരംഭിച്ചു. രാഷ്ട്രപതിയുടെ സന്ദർശനമുള്ളതിനാൽ 22ന് ദർശനത്തിന് നിയന്ത്രണമുണ്ടാകും. 21നാണ് ശ്രീചിത്തിര ആട്ടത്തിരുനാൾ.
Advertisement
