സ്വര്ണവില പവന് ഒരു ലക്ഷത്തിലേക്ക് എത്താന് ഇനി 5,640 രൂപയുടെ ദൂരം മാത്രം. വില ഒറ്റയടിക്ക് 2,400 രൂപ വര്ധിച്ചതോടെ 94,360 രൂപയിലാണ് ഒരു പവന്റെ വില. ഗ്രാമിന് 300 രൂപ വര്ധിച്ച് 11,795 രൂപയിലാണ് ഇന്നത്തെ വ്യാപാരം. അതേസമയം, ഏറ്റവും കുറഞ്ഞ പണിക്കൂലിയില് പോലും ഒരു പവന് ആഭരണമായി വാങ്ങാന് ഒരു ലക്ഷത്തിലേറെ നല്കേണ്ട സ്ഥിതിയാണിന്ന്. അഞ്ച് ശതമാനം പണിക്കൂലിയിലും ഒരു പവന്റെ ആഭരണം വാങ്ങാന് ഒരു ലക്ഷം രൂപയിലധികം നല്കണം. അഞ്ച് ശതമാനം പണിക്കൂലിയില് 1,02,104 രൂപയാണ് ഇന്നത്തെ നിലയില് ഒരു പവന് ആഭരണത്തിന്റെ വില. 10 ശതമാനം പണിക്കൂലിയുള്ള ആഭരണം വാങ്ങാന് 106,960 രൂപയോളം നല്കേണ്ടി വരും. പണിക്കൂലി, ഹാള്മാര്ക്കിങ് ചാര്ജ്, മൂന്ന് ശതമാനം ജിഎസ്ടി എന്നിവ ചേരുന്ന തുകയാണിത്.
ഒക്ടോബര് മൂന്നിന് രേഖപ്പെടുത്തിയ 86560 രൂപയായിരുന്നു ഈ മാസത്തെ കുറഞ്ഞ വില. ഈ വിലയില് നിന്നും 7800 രൂപയുടെ വര്ധനവാണ് 14 ദിവസത്തിനിടെ ഒരു പവനുണ്ടായത്.
