Advertisement
തൃശൂര്: ആമ്പല്ലൂരില് വാഹനാപകടത്തില് യുവതിക്ക് ദാരുണാന്ത്യം. നെല്ലായി പന്തല്ലൂര് സ്വദേശി ജോഷിയുടെ ഭാര്യ സിജി (45) യാണ് മരിച്ചത്. ഇന്ന് രാവിലെ ഏഴരയോടെയായിരുന്നു അപകടം.
ഭര്ത്താവിനോടൊപ്പം പോകുന്നതിനിടെ സ്കൂട്ടര് നിയന്ത്രണം വിട്ട് മറിയുകയായിരുന്നു. സ്കൂട്ടറില് നിന്ന് ബസിനടിയിലേക്ക് വീണ യുവതി ബസിന്റെ പിന്ചക്രം കയറി മരിച്ചു. തൈക്കാട്ടുശ്ശേരിയിലെ ആയൂര്വ്വേദ കമ്പനിയിലെ താത്ക്കാലിക ജീവനക്കാരിയായ സിജി ജോലിക്ക് പോകുന്നതിനിടെയാണ് അപകടം. അപകടത്തിന്റെ സിസിടിവി ദൃശ്യങ്ങള് പുറത്തുവന്നു. അടിപ്പാത നിര്മ്മാണം നടക്കുന്ന തൃശൂര് ഭാഗത്തേക്കുള്ള പാതയുടെ പ്രവേശന ഭാഗത്താണ് അപകടം ഉണ്ടായത്. സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
Advertisement
