Advertisement
കൊച്ചി: സ്വർണ വില വീണ്ടും 91,000ന് മുകളില്. പവന് 400 രൂപ വര്ധിച്ചതോടെയാണ് സ്വര്ണവില വീണ്ടും 91,000ന് മുകളില് എത്തി പുതിയ ഉയരം കുറിച്ചത്. 91,120 രൂപയാണ് പുതിയ സ്വര്ണവില. വ്യാഴാഴ്ച രേഖപ്പെടുത്തിയ 91,040 എന്ന റെക്കോര്ഡ് ആണ് ഇന്ന് തിരുത്തിയത്. ഇന്നലെ രാവിലെ 1360 രൂപ കുറഞ്ഞ് 90,000ന് താഴെ പോയെങ്കിലും ഉച്ചയോടെ സ്വര്ണവില തിരിച്ചുകയറുകയായിരുന്നു. ഉച്ചയോടെ ഒറ്റയടിക്ക് 1040 രൂപയാണ് വര്ധിച്ചത്. ഇന്നലെ 90,720 രൂപയായാണ് സ്വര്ണവില ഉയര്ന്നത്.
ഇന്ന് ഗ്രാമിന് 50 രൂപയാണ് വര്ധിച്ചത്. 11,390 രൂപയാണ് ഒരു ഗ്രാം സ്വര്ണത്തിന്റെ വില. എട്ടിനാണ് സ്വര്ണവില 90,000 ആദ്യമായി കടന്നത്. തൊട്ടടുത്ത ദിവസം 91,000 കടന്ന് സ്വര്ണവില കുതിക്കുന്നതാണ് കണ്ടത്.
Advertisement
