തിരുവനന്തപുരം: ഫാല്ക്കേ അവാര്ഡ് നേടിയ മലയാളികളുടെ അഭിമാനമായ മോഹന്ലാലിനെ ചുവപ്പുവല്ക്കരിക്കാനാണ് സര്ക്കാര് ശ്രമിക്കുന്നതെന്ന് ചെറിയാന് ഫിലിപ്പ് പറഞ്ഞു. സര്ക്കാര് നടത്തുന്ന മോഹന്ലാല് സ്വീകരണ ചടങ്ങിന് ‘ലാല് സലാം, എന്ന പേരു നല്കിയത് ലാലിന് സലാം എന്നാണ് അര്ത്ഥമാക്കേണ്ടതെന്ന മന്ത്രി സജി ചെറിയാന്റെ പ്രസ്താവന ഒട്ടും വിശ്വാസയോഗ്യമല്ല. ലാല് സലാം എന്നത് ഒരു കമ്യൂണിസ്റ്റ് അഭിവാദ്യ രീതിയാണ്. ലാല് സലാം എന്ന ഹിന്ദി വാക്കിന് ചുവന്ന വന്ദനം അഥവാ ചുവപ്പന് അഭിവാദ്യം എന്നാണ് യഥാര്ത്ഥ അര്ത്ഥം. ഇംഗ്ലീഷില് റെഡ് സല്യൂട്ട് എന്നാണ്. ലാലിന് ചുവപ്പന് അഭിവാദ്യം നേരുന്ന പാര്ട്ടി പരിപാടിയായി പൗര സ്വീകരണത്തെ മാറ്റുകയെന്ന ദുഷ്ടലാക്കാണ് സര്ക്കാരിനുള്ളത്.
കമ്മ്യൂണിസ്റ്റു കഥാപാത്രങ്ങളുടെ ചരിത്ര പശ്ചാത്തലമുള്ളതുകൊണ്ടാണ് ചെറിയാന് കല്പകവാടി തന്റെ സിനിമയ്ക്ക് ‘ലാല് സലാം’ എന്ന പേരു നല്കിയതെന്നും ചെറിയാന് ഫിലിപ്പ് കൂട്ടിച്ചേര്ത്തു.
