തൃശൂര്: മരണ വീട്ടില് കയറി ആക്രമണം നടത്തിയ യുവതികളെ കാപ്പ ചുമത്തി ഒരു വര്ഷത്തേയ്ക്ക് നാടു കടത്തി പൊലീസ്. കരയാമുട്ടം ചിക്കവയലില് സ്വാതി (28), വലപ്പാട് ഇയ്യാനി ഹിമ (25) നാടു കടത്തിയത്. ഇരുവരും വലപ്പാട് പൊലീസ് സ്റ്റേഷനില് ഒരു കവര്ച്ചക്കേസിലും വീടുകയറി ആക്രമണം നടത്തിയ രണ്ട് കേസിലും ഒരു അടിപിടിക്കേസിലും അടക്കം നാല് ക്രിമിനല് കേസുകളിലെ പ്രതികളാണ്. മറ്റ് കുറ്റകൃത്യങ്ങളില് ഏര്പ്പെടാതിരിക്കുന്നതിനായി കഴിഞ്ഞ ജൂണ് 16 മുതല് കാപ്പ നിയമപ്രകാരം ആറുമാസക്കാലത്തേക്ക് കൊടുങ്ങല്ലൂര് ഡി.വൈ.എസ്.പി ഓഫീസില് ഒപ്പിടുന്നതിനായി ഉത്തരവായിരുന്നു.
ഈ ഉത്തരവ് ലംഘിച്ചാണ് മരണവീട്ടില് കയറി ഇവര് ആക്രമണം നടത്തിയത്. തൃശൂര് റൂറല് ജില്ലാ പൊലീസ് മേധാവി ബി. കൃഷ്ണകുമാര് ഐ.പി.എസ്. നല്കിയ ശുപാര്ശയില് തൃശൂര് റേഞ്ച് ഡി.ഐ.ജി. ഹരിശങ്കര് ആണ് കാപ്പ പ്രകാരമുള്ള ഉത്തരവ് പുറപ്പെടുവിച്ചത്. വലപ്പാട് പോലീസ് സ്റ്റേഷന് ഇന്സ്പെക്ടര് അനില്കുമാര്.കെ, സബ് ഇന്സ്പെക്ടര് ഹരി, സിവില് പോലീസ് ഓഫിസര്മാരായ, ആഷിക്, സുബി സെബാസ്റ്റ്യന് എന്നിവര് കാപ്പ ചുമത്തുന്നതിലും, ഉത്തരവ് നടപ്പാക്കുന്നതിലും പ്രധാന പങ്ക് വഹിച്ചു.
