Advertisement
മലമ്പുഴ ചേമ്പനയില് സ്വകാര്യ വ്യക്തിയുടെ വീട്ടു വളപ്പിനോട് ചേര്ന്നുള്ള തോടിനരികില് കണ്ട പുലിക്കുട്ടിയെ കൂട്ടിലാക്കി. ചേമ്പനയില് തങ്കച്ചന്റെ പറമ്പിലാണ് പുലിക്കുട്ടിയെ കണ്ടെത്തിയത്. കാലിന് പരിക്കേറ്റ നിലയില് കണ്ടെത്തിയ പുലിയെ വനംവകുപ്പ് ഉദ്യോഗസ്ഥരെത്തി പിടികൂടി ധോണിയിലേക്ക് മാറ്റുകയായിരുന്നു.
വളര്ത്തുനായ കുരയ്ക്കുന്നതു ശ്രദ്ധിച്ചപ്പോഴാണ് തങ്കച്ചന് പുലിയ കണ്ടത്. തുടര്ന്ന് വനംവകുപ്പ് ഉദ്യോഗസ്ഥരെ വിളിച്ചുവരുത്തുകയായിരുന്നു. പിടികൂടിയ പുലിയെ ധോണിയിലെ വനംവകുപ്പിന്റെ ബേസ് ക്യാംപിലേക്കു കൊണ്ടുപോയി പ്രാഥമിക ചികിത്സ നടത്തിയശേഷം വിദഗ്ധ ചികിത്സയ്ക്കായി മണ്ണുത്തി വെറ്ററിനറി കോളജിലേക്കു കൊണ്ടുപോകുമെന്ന് വനംവകുപ്പ് ഉദ്യോഗസ്ഥര് അറിയിച്ചു.
Advertisement
