വയനാട്: വയനാട് മുൻ ഡിസിസി ട്രഷറർ എൻ എം വിജയന്റെ മരുമകള് പത്മജ ആത്മഹത്യക്ക് ശ്രമിച്ചു. കൈ ഞരമ്പ് മുറിച്ചാണ് പത്മജ ആത്മഹത്യക്ക് ശ്രമിച്ചത്.
തുടര്ന്ന് ഇവരെ ബത്തേരിയിലെ സ്വകാര്യ ആശുപത്രിയില് പ്രവേശിപ്പിച്ചു. ഗുരുതര പരിക്കുകള് ഇല്ലെന്നാണ് പൊലീസ് പറയുന്നത്. ‘കൊലയാളി കോണ്ഗ്രസേ നിനക്കിതാ ഒരു ഇര കൂടി’ എന്ന് എഴുതിയ ആത്മഹത്യ കുറിപ്പ് ലഭിച്ചിട്ടുണ്ട്. എന്എം വിജയന് ആത്മഹത്യ ചെയ്തതിനെ തുടര്ന്ന് കോണ്ഗ്രസ് നല്കിയ വാഗ്ദാനങ്ങള് പാലിച്ചില്ലെന്ന് പത്മജ ഇന്നലെ പറഞ്ഞിരുന്നു. കോണ്ഗ്രസ് നേതൃത്വത്തിനെതിരെ വാര്ത്താ സമ്മേളനത്തില് രൂക്ഷമായ വിമര്ശനമാണ് പത്മജ ഉന്നയിച്ചത്. കരാർ പ്രകാരമുള്ള പണം കോണ്ഗ്രസ് നല്കുന്നില്ല എന്നായിരുന്നു ആരോപണം.
വയനാട് മുൻ ഡിസിസി ട്രഷറർ എൻ എം വിജയന് ആത്മഹത്യ ചെയ്ത സംഭവത്തില് കെപിസിസി നേതൃത്വം കുടുബത്തിന് നല്കിയ ഉറപ്പ് പാലിക്കപ്പെട്ടില്ല എന്നാണ് പത്മജ പറയുന്നത്. കോണ്ഗ്രസ് പ്രസ്ഥാനത്തില് വിശ്വാസം നഷ്ടപെട്ടെന്നും രണ്ടരക്കോടി രൂപയുടെ ബാധ്യതയാണുള്ളത് ഇത് വീട്ടാമെന്ന് പറഞ്ഞ് പാർട്ടി നേതൃത്വം വീണ്ടും വഞ്ചിക്കുകയായിരുന്നു ഇകാര്യത്തില് മുഖ്യമന്ത്രിക്ക് പരാതി നല്കും പണം നല്കാമെന്ന് ടി സിദ്ദിഖ് എംഎല്എയാണ് കരാർ ഒപ്പിട്ടത്. കരാർ വാങ്ങാൻ വക്കീലിന്റെ അടുത്ത് പോയപ്പോള് സിദ്ദിഖ് ദേഷ്യപ്പെട്ടു. ഭർത്താവ് ആശുപത്രിയിലായിരുന്നപ്പോള് പോലും ബില് അടയ്ക്കാൻ പണം ഉണ്ടായിരുന്നില്ല. സത്യസന്ധമായി പ്രവർത്തിക്കുന്നവരെ കോണ്ഗ്രസ് കൊന്നൊടുക്കുന്നു. കള്ളന്മാർ വെള്ളയും വെള്ളയും ഇട്ടു നടക്കുന്നു, പാർട്ടിയെ വിശ്വസിക്കുന്നവർ മരിക്കുന്നു. കോണ്ഗ്രസിൻറെ ഔദാര്യം ഇനി ആവശ്യമില്ല എന്നും പത്മജ പറഞ്ഞു.
ഇതുവരെ 20 ലക്ഷമാണ് കോണ്ഗ്രസ് നല്കിയത്. രണ്ടരക്കോടിയുടെ ബാധ്യതയുടെ കണക്കാണ് കുടുംബം നല്കിയത്. കുടുംബത്തിന്റെ സാമ്പത്തിക ബാധ്യത കഴിയാവുന്ന വേഗത്തില് തീര്ക്കുമെന്ന് നേതാക്കള് വിജയന്റെ കുടുംബാംഗങ്ങള്ക്ക് വാക്ക് നല്കിയിരുന്നു. കോഴിക്കോട് ഡി സി സി ഓഫീസിന്റെ ഉദ്ഘാടന ചടങ്ങില് കുടുംബം പരാതിയുമായി എത്തിയതോടെയാണ് പാര്ട്ടി സാമ്പത്തിക ബാധ്യത തീര്ക്കാം എന്ന് കുടുംബത്തെ അറിയിച്ചത്. കെ പി സിസി നിയോഗിച്ച ഉപസമിതി തിരിഞ്ഞു നോക്കുന്നില്ലെന്നായിരുന്നു കുടുംബാംഗങ്ങള് ഉന്നയിച്ച പരാതി. ഇതിനു പിന്നാലെയാണ് നേതാക്കള് കുടുംബാംഗങ്ങളുമായി ചര്ച്ച നടത്തിയത്. എന്നാല് നിലവില് ഉറപ്പ് പാലിക്കപ്പെട്ടില്ല എന്നാണ് എന് എം വിജയന്റെ മരുമകള് നിലവില് ആരോപിക്കുന്നത്.
